- Máis do 40% dos corredores da San Silvestre vén de fóra da Coruña.
- Os corredores de maior idade son unha muller de 75 e un home de 81 anos.
Na San Silvestre Coruña medra outro ano máis a participación feminina. Se en 2019 era do 35%, en 2021 aumenta ata o 37%, cun incremento especialmente rechamante na categoría infantil de 7 a 8 anos.
O perfil do corredor da San Silvestre Coruña é o dun home de mediana idade, entre 20 e 50 anos e afeccionado. A máis veterana da carreira é Rosa, con 75 anos, e o decano, Enrique, con 81.
Cada ano son máis os participantes da San Silvestre Coruña que proceden desde fóra da Coruña, o que reforza a capacidade desta proba de funcionar como un atractivo turístico para promocionar a cidade. Se no ano 2019 o 25% dos corredores eran foráneos, en 2021 esta porcentaxe increméntase ata chegar ao 41%. En total, son 1656 as persoas que se calzarán as zapatillas para facer un percorrido especialmente atractivo, pola fachada marítima, que namora tanto aos de aquí como aos que nos visitan durante as festas.
Moita xente de Madrid na San Silvestre Coruña
A maioría veñen doutras comunidades autónomas, especialmente de Madrid, pero tamén chegan desde outras doce comunidades autónomas: Navarra, Aragón, Canarias, Baleares, Cataluña, País Vasco, Ceuta, Andalucía, Comunidade Valenciana, Castela e León, Murcia ou Asturias.
Dos que veñen desde fóra de España, abundan os de Estados Unidos ( California, Alaska, Chicago, Florida, Texas e Pensilvania) aínda que na lista hai outros vinte países: Bielorrusia, Chad, Australia, Colombia, Brasil, Islandia, Escocia, Irlanda, Bélxica, Italia, Reino Unido, Portugal, Francia, Alemaña, México, Arxentina, Marrocos, Canadá, Países Baixos e Venezuela.
Así afectará ao tráfico a carreira
A proba, que sairá do Parrote e discorrerá pola Mariña ata Juana de Vega e logo polo Paseo Marítimo para regresar de novo ao Parrote. A carreira só ocupará os carrís que discuren á beira do mar, polo que o tráfico poderá seguir circulando polos demais.
O transporte público desviarase polo túnel da Mariña. O corte de tráfico da zona da Mariña será desde as 15.00 ata as 20.00 horas e o das rúas restantes, a partir das 16.30 horas, e durará aproximadamente unha hora.
Haberá un percorrido absoluto para maiores de 11 anos, de 7.250 metros, así como dúas probas infantís, unha destinada para 7 e 8 anos, nun circuíto pechado de 350 metros, e outra para atletas de 9 e 10 anos, tamén en circuíto pechado, de 500 metros.
Para quen non poidan estar de forma presencial ou para quen facer o seu propio reto, tamén é posible facer o Camiño de Santiago de forma virtual grazas á aplicación oficial, que se pode descargar para dispositivos Android e Apple, ou na páxina web www.sansilvestrecoruna.com.
Vertente solidaria: Cociña Económica e Reis Magos de Verdade
Do mesmo xeito que en anos anteriores, a proba mantén o seu carácter solidario, co apoio a dous proxectos. Por unha banda, recóllense alimentos para a Cociña Económica, (con puntos de recollida durante a entrega de dorsais e o mesmo día da carreira), pero tamén colabora co proxecto Reis Magos de verdade, no que se recollen cartas de nenos e maiores para que quen desexe colaborar poidan converterse en paxes das súas Maxestades de Oriente para levar agasallos e sorrisos a quen máis o necesitan. Quen desexe colaborar poden facelo apuntándose na páxina web www.reyesmagosdeverdad.org.
Ademais, na súa intención de ser unha carreira integradora, a San Silvestre Coruña dispón de “dorsais solidarios” de apoio aos corredores e corredoras con capacidades especiais que o necesiten.
Récord de participación en 2019 con case 5.000 persoas
En 2019, a San Silvestre Coruña bateu o seu récord de participación, con preto de 5.000 corredores nas categorías absoluta e infantil, categoría que se disputaba por vez primeira.
Pablo Bocelo e Deirdre McDermot foron os últimos gañadores da proba presencial. A XII San Silvestre está organizada por Club Rialto, coa colaboración do Concello da Coruña.
Saídas graduadas e protocolo anticovid na San Silvestre Coruña
A sustentabilidade tamén corre a San Silvestre Coruña na que cada lata conta
