A Escola de Fútbol sala Feminino do Parrulo Ferrol, en colaboración co Valdetires Ferrol e a Fundación Gadesport será unha realidade nesta nova tempada, con tres equipos que aseguraron a súa participación nas competicións oficiais da RFGF.
Nos últimos días presentábase o equipo senior que competirá na Primeira Autonómica e varias das súas xogadoras ao ser de idade xuvenil, tamén participarán na liga Galega Xuvenil, que se desenvolve en modo concentración durante varios fins de semanas ao longo da tempada.
Ademais deste equipo, a Escola feminina do Parrulo Ferrol terá outros dous equipos, un equipo infantil e un equipo benjamín, sendo estes os primeiros pasos deste novo proxecto formativo, sempre fieis ao ADN Parrulo.
Todas as xogadoras que enviaron a súa solicitude de praza na Escola feminina foron admitidas e nos próximos días a coordinadora poñerase en contacto con todas elas, segundo aseguran desde a entidade ferrolá.
Prazas dispoñibles na Escola de Fútbol sala Feminino do Parrulo Ferrol
As inscricións para a Escola de Fútbol sala Feminino do Parrulo Ferrol continúan abertas para as xogadoras de todas as idades e categorías basee, como tamén en senior. Segundo informan desde o club da Cidade Departamental, todas as xogadoras interesadas poden descargar o formulario de solicitude de inscrición en www.oparrulofs.es, como tamén solicitar máis información nos teléfonos 673.668.664 e 671.113.550.
