A cerimonia inaugural de París 2024 será moi diferente ás que estamos acostumados a ver. A feitos a actos dentro dun estadio esta vez o desfile de deportistas terá lugar navegando polo Sena e aberto ao público. Á fronte da delegación española como abandeirada, estará a galega regatista Támara Echegoyen.
En barcos e transitando por lugares emblemáticos da Cidade da Luz, así será o desfile das delegacións dos 206 países que competirán nos Xogos Olímpicos de París 2024. Haberá un equipo e atletas refuxiados e outro de atletas independentes. Non estarán nin Rusia nin Bielorrusia por mor do conflito bélico con Ucraína. Con todo, atletas de ambos os dous países poderán competir con bandeira neutral.
A delegación española estará encabezada pola regatista Támara Echegoyen. Ouro olímpico en Londres 2012, a ourensá está máis afeita a navegar por mar que por río, pero que seguro que fará ondear á perfección a enseña española. Xunto a ela será tamén abandeirado Marcus Cooper.
Támara Echegoyen colle en París 2024 a remuda de David Cal, o outro galego que foi abandeirado de España nuns Xogos Olímpicos.
Ver esta publicación en Instagram
O percorrido das delegacións pasará por lugares emblemáticos da capital francesa. Veremos espazos de París como:
- A Catedral de Notre Dam
- O Museo do Louvre
- O museo D’ Orsay
- Asamblea Nacional
- Ponte Alexandre III
- Grand Palais
- A torre Eiffel que loce os aros olímpicos hai xa tempo.
Son uns seis quilómetros de percorrido que van entre a Ponte de Austerlitz ata Trocadero e que serán todo un espectáculo e, sen dúbida, unha gran promoción para a cidade de París que amosará ao mundo enclaves cheos de historia.
Acceso de balde á cerimonia inaugural de París 2024
O público poderá seguir ao aire libre e de balde a cerimonia inaugural en diferentes espazos, pero tamén hai lugares, máis preto do Sena, nos que se deberá pagar por ver o espectáculo. Desde os peiraos superiores o acceso é gratuíto. Ese será outra das singularidades desta cerimonia inaugural diferente que se achega ao gran público eliminando a barreira económica do pago dunha entrada para seguira a cita.
Para mirar a cerimonia inaugurar desde as nosas casas hai que lembrar que RTVE ten os dereitos destes Xogos Olímpicos de París 2024 para emitir en aberto as competicións.
