Este ano o CB Arxil recibiu un agasallo de Papa Noel sobre rodas que chegou da man da firma ENCE. A empresa madeireira, asinou un convenio co club de baloncesto feminino, dentro do III Programa Marco de Responsabilidade Social Corporativa 2019 da firma. O fin deste convenio era a adquisición dun vehículo para a realización dos desprazamentos dos equipos da entidade verde. O vehículo foi entregado nestes días no concesionario.
O CB Arxil informa de que “é unha axuda moi importante, sobre todo en en estes momentos nos que a parte económica e financeira das entidades deportivas se esta vendo moi afectada pola pandemia, do mesmo xeito que na maioría dos sectores da sociedade”. Por ese motivo, o Arxil, cuxo primeiro equipo milita na LF2, “agradece a ENCE a axuda achegada á súa entidade nas últimas tempadas”.
Nestas festas o CB Arxil compartía nas súas redes sociais un vídeo do primeiro equipo (Liga Feminina 2) como felicitación das festas de Nadal.
Ver esta publicación en Instagram
