O Durán Maquinaria Ensino refórzase coa chegada de Paola Ferrari. A escolta paraguaia, ata hai uns días xogadora do Tenerife, pasou ás filas lucenses xusto no remate do encontro da sexta xornada, que enfrontou a ambos equipos.
Ferrari conta con ampla experiencia na LF Endesa, e será un efectivo fundamental nos plans de Ortega, que conta con moitas xogadoras lesionadas. Este será o décimo equipo da paraguaia e xunto con Tamara Abalde ambas son as dúas xogadoras que estiveron en máis equipos na historia da máxima categoría española.
O Ensino reencóntrase coa vitoria vencendo ao Tenerife (57-59)
En declaracións á Radio Galega, a xogadora confesou que a chamada de Ortega foi determinante á hora de tomar a decisión de marchar a Lugo. Ademais, a baloncestista xa ten xogado con Oma en Girona, e tamén con Abalde un par de anos, coa que foi campioa en Perfumerías Avenida, así como con Eraunzetamurgil.
A xogadora estará dispoñible para o técnico do club lucense para o partido de EuroCup que se disputa este xoves ante o Valencia Basket de Raquel Carrera, ao estar inscrita na FIBA.
