O torneo Jóvenes Promesas de loitas olímpicas rematou con bos resultados para as loitadoras galegas. Nerea Pampín e Nerea Iglesias competiron na categoría de loita libre feminina sub23, acadando a segunda e a quinta posición respectivamente.
O campionato celebrouse en Pilar de la Horadada en modo burbulla seguindo os protocolos sanitarios. A el acudiron unha representación de 18 galegos entre deportistas, árbitros e técnicos, dos cales só dous foron mulleres. Nerea Pampín, do club Keltoi Cruces, logrou subir ao podio do torneo, colgándose a medalla de prata; mentres que Nerea Iglesias, do Ayude Santiso, tivo que conformarse co quinto lugar na clasificación.
