Esta fin de semana a Selección Galega de Atletismo tomará parte nunha nova cita competitiva. Trátase do Campionato de España do Consello Superior de Deportes para as categorías Sub16 e Sub18 e que xuntará no Centro Ecuestre El Asturcón en Oviedo a dazoito Seleccións e preto de catrocentos atletas en representación de practicamente todo o Estado, segundo informa a Federación Galega de Atletismo
A Selección Galega de Atletismo acude a terras asturianas con catro equipos nas categorías Sub-16 e Sub-18 aspirando a mellorar o resultado da última edición disputada no ano 2019 na que quedarían ás portas do podio.
Pare elo Galicia acude con equipos moi fortes a cuxa cabeza se atopan Xela Martínez na categoría Sub-16 quen recentemente lograba tanto o triunfo individual como por equipos no campionato de España de clubs.
Pedro Vázquez na categoría Sub-18 tamén é outro dos homes importantes na selección e que ao igual que a lucense, conseguía o triunfo no nacional de Clubs de Santiponce. Salientar ademáis que este mesmo atleta logrou a segunda posición fai dous anos sendo Sub-16 na edición celebrada en Sevilla.
Máis nomes propios da base do atletismo galego que estarán en Oviedo
Sobre a línea de saída tamén estará Antón Martínez que lograba na última edición do ano 2019 un meritorio 5º lugar na carreira Sub-16. Outro dos convocados que repiten é Iván Rego e quen xunto as campioas galegas de campo a través deste ano Carolina Santos na Sub-18 e Ricardo Negrete na Sub-16 así como ao resto de integrantes da selección, farannos estar moi pendentes das súas evolucións que se poderá seguir en conexión directa a partires das 10:30 horas do domingo 5 de decembro.
As atletas galegas Sub-18 que estarán en Oviedo serán: Carolina Santos, Marcela Morgado, Paula Cabaleiro, Isabel Caeiro, Alejandra Formoso e Lía Fernández. E as Sub-16 convocadas son: Xela Martínez, Amparo Corredoira, Sara Geudes, Adriana Alén, Estela Díaz e Celia Vila.
