Rematou o Campionato de Europa de técnica e freestyle de Seixal (Portugal) cun ouro para Galicia. A parella formada por Raquel Guillén e Alejandro Losada (Tao) proclamouse campioa de Europa en parella 1, cunha actuación espectacular na final.
Alejandro Losada e Raquel Guillén pasaron á final como cuartos, pero se reservaron para o momento decisivo. Na final o dúo vigués foi moi superior aos seus rivais para alcanzar o título europeo.
A competición dos nosos deportistas finalizaba con Óscar Rey (Kiap) en máster 3. Os nervios foron decisivos no primeiro pumse e iso lle lastrou, xa que no segundo demostrou que ten nivel para estar no podio
continental.
Así, o taekwondo galego pechou a súa actuación no Europeo de Portugal celebrado en Seixal cun total de dous ouros, cinco pratas e catro bronces, segundo informa a Federación Galega de Taekwondo.
Galicia consegue medallas de ouro, prata e bronce no Europeo de Taekwondo de Poomsae e Freestyle
