A Real Federación Galega de Fútbol volve a apostar por unhas xornadas formativas de primeiros auxilios. Despois das celebradas con anterioridade en Santiago, Vigo ou Foz a Xunta Directiva da Real Federación Galega de Fútbol decidiu darlle continuidade á iniciativa organizando outra xornada na Delegación de Ourense. Trátase dun curso de formación en primeiros auxilios, dirixido a directivos e federados (adestradores, delegados, técnicos, xogadores, etc) dos clubs inscritos na delegación da cidade das burgas.
O programa formativo comprenderá contidos teóricos e prácticos nas materias de técnicas de reanimación, primeiros auxilios, intervencións primarias e manexo de desfibrilador. A xornada celebrarase na Casa de Chocolate (Avenida da Habana, 79) o próximo luns 2 de marzo de 20 a 22 horas.
Os clubs pertencentes á delegación de Ourense interesados nesta xornada deben realizar a inscrición enviando un correo electrónico a delgado.ourense@futgal.es, onde tamén poden consultar calquera dúbida ao respecto da actividade.
A da así resposta a unha demanda dos dirixentes dos clubs, que solicitan formación especializada para poder facer fronte a un aspecto tan fundamental do día a día nos campos de fútbol.
