As campañas de valores do Ourense Envialia adoitan a chamar a atención e son unha constante hai anos no club da cidade das Burgas. Neste Día Internacional da Muller, o equipo deixou a batuta de Morenín para pórse ás ordes da factoría de Bea Seijas Diseño Gráfico.
O resultado é unha peza audiovisual de tres minutos sen desperdicio na que as imaxes das futbolistas da entidade ourensá, rompendo unha simbólica barreira de papel, se suceden con feitos históricos da loita feminista, e frases para o olvido nas que se menospreza a valía das mulleres no deporte e noutros ámbitos da vida, como aquela famosa de Pierre de Courbertin, fundador dos Xogos Olímpicos, que aseverou no seu día: “As mulleres só teñen unha labor no deporte: a de coroar aos campións”.
O vídeo remata co berro do conxunto de xogadoras ourensás: “Xuntas somos máis fortes. Seguimos”.
Na conta de twitter do club explican que “desde sempre a muller loita e seguirá loitando para romper con todas as barreiras que haxa e nos poñan. O Ourense Envialia FSF seguirá rompendo barreiras o 8M e todos os días.
