O Envialia afronta o partido da vindeira xornada ante o pechacancelas da categoría, o Xaloc. As ourensás viaxan esta mesma tarde cara terras alicantinas, para xogar o partido o sábado ás 17:15 horas no pavillón Pitiu Rochel.
O que a priori pode parecer un partido sinxelo, na máxima categoría non hai partidos doados e Morenín é cauto e respetuoso co rival: “Afrontamos este partido como unha xornada máis. Creo que necesitamos un pouco de motivación extra pero co máximo respecto a todos os rivais. Queremos seguir gañando para manter o terceiro posto e abrir brecha coa quinta posición”.
Morenín, adestrador do Ourense Enviala: “Creo que necesitamos un pouco de motivación extra pero co máximo respecto a todos os rivais. Queremos seguir gañando para manter o terceiro posto e abrir brecha coa quinta posición”.
“Nós non pensamos nunca nas derrotas, pensamos en traballar como unha semana máis de competición coa condición de que viaxamos o xoves. Faremos un adestramento en Alicante”, falaba Morenín do condicionante de viaxar en xoves para afrontar con garantías o partido do sábado.
O adestrador galego, tamén fixo referencia ao perigo que ten o Xaloc na súa pista, a pesar da súa situación na táboa: “É un rival que aínda que só leva unha vitoria, compite moi ben na súa casa. Esperamos un rival duro que en defensa son agresivas e que pouco a pouco se están aclimatando á categoría”.
Morenín, adestrador do Ourense Enviala: “É un rival que aínda que só leva unha vitoria, compite moi ben na súa casa. Esperamos un rival duro que en defensa son agresivas e que pouco a pouco se están aclimatando á categoría”.
As galegas viaxan coa única baixa de Laura Doce e varias xogadoras que serán baixa ata última hora por diversas molestias.
