Morenín: “Xunto a nós, El Pozo é o conxunto que mellor rendemento está a sacarlle ás súas xogadoras”

O Ourense Envialia segue coa firme intención de reafirmarse na posición de bronce da Primeira División de fútbol sala. As galegas queren seguir sumando de tres e o vindeiro sábado terán unha proba de lume fronte ao UCAM Pozo Murcia ás 19:30 no Pavillón de Os Remedios.

O técnico galego do Ourense, Morenín, é consciente da dificultade do partido do sábado no que “xogamos contra un gran rival. Creo que xunto a nós, é o conxunto que mellor rendemento está a sacarlle ás súas xogadoras”, destacaba na previa.

Morenín, adestrador do Ourense Envialia: “O sábado xogamos contra un gran rival. Creo que xunto a nós, é o conxunto que mellor rendemento está a sacarlle ás súas xogadoras”.

As ourensás suman 44 puntos nas 18 xornadas que van de Liga, e distáncianse do Alcorcón (ocupa o 4º posto) en seis puntos. As de Morenín, teñen entre cella e cella asegurar o terceiro banzo da táboa e o propio adestrador falaba da importancia de sacar un resultado positivo o sábado: “É un equipo moi novo, moi versátil e moi dinámico que está a xogar un gran fútbol sala. Nós queremos continuar coa boa serie de resultados, creo que vai ser un bo partido para os espectadores”.

Morenín, adestrador do Ourense Envialia: “É un equipo moi novo, moi versátil e moi dinámico que está a xogar un gran fútbol sala. Nós queremos continuar coa boa serie de resultados, creo que vai ser un bo partido para os espectadores”.

Consciente das súas posilidades e coa mente posta en non perder distancia co Burela e Futsi, o técnico galego advertía que o UCAM El Pozo “é un dos equipos que máis me gusta da categoría. As súas mellores xogadoras son por Pepa e Noelia Montoro que están rodeadas de xogadoras moi novas cunha gran calidade”.

Morenín, adestrador do Ourense Envialia: “El Pozo é un dos equipos que máis me gusta da categoría. As súas mellores xogadoras son por Pepa e Noelia Montoro que están rodeadas de xogadoras moi novas cunha gran calidade”.

As galegas completaron unha boa semana de adestramentos e esperan acadar os tres puntos ante a súa xente. Para o duro encontro, recuperan a Laura Doce e seguen pendentes da evolución de Iraia, que será dúbida ata o último momento.