Avisaba Morenín durante a previa da dificultade do partido de hoxe ante un gran equipo. Aínda así, o duelo púxose de cara moi pronto para as galegas, cando no minuto tres un gol Chiqui poñía por diante as ourensás e levantaba a todo o pavillón dos Remedios. Un gol que finalmente valería ouro xa que sería o definitivo para acadar os tres puntos. Con esta vitoria, as de Morenín afiánzanse na terceira praza da táboa clasificatoria.
O Ourense comezou dominando os primeiros compases de partido, froito do cal conseguía o único gol do choque, nas botas de Chiqui cun zurdazo a cinco metros de disparo raso que non atopaba resposta en Cristina.
Morenín, adestrador do Ourense Envialia: “Foi un partido moi disputado. A UA ten un gran plantel e creo que esta vitoria é moi valiosa porque gañamos a un rival directo polos playoff. Estamos moi contentas e felices pola boa dinámica.”
Aos poucos a UA conseguía equilibrar o choque e ambos conxuntos alternábanse no dominio do balón, aínda que con escaso acerto na finalización. Xa na segunda parte, as galegas volvían a facerse co mango do xogo, pero non conseguín a ampliar a súa renda. As visitantes subiron a intensidade do seu xogo e faceron valer a súa rotación ante un Envialia que nos tramos finais das dúas partes comezaba a notar o cansazo.
@nachorego
O adestrador do Ourense Envialia admitía: “faltounos fol nas dúas partes porque elas teñen moitas rotacións”. “Despois dunha semana complicada estivemos moi ben nos dez ou doce primeiros minutos de cada parte”, insistía Morenín.
A cinco minutos da conclusión as levantinas optaban polo xogo de cinco, pero as pupilas de Morenín aguantaron as arremetidas e deixaron os tres puntos na casa. Vitoria que vale bronce e afianza as galegas no terceiro posto da táboa.
Morenín, adestrador do Ourense Envialia: “Faltounos fol nas dúas partes porque elas teñen moitas rotacións. Despois dunha semana complicada estivemos moi ben nos dez ou doce primeiros minutos de cada parte”.
FICHA TÉCNICA
OURENSE ENVIALIA: Vane Barberá; Chiqui, Marta, Sara Moreno e Judith (quinteto inicial). Tamén xogaron, Candela, Iraia, Laura Uña, Sara Santos e Cárol.
UA ALICANTE: Cristina; Carmen, Sara, Ángela e Pao (quinteto inicial). Tamén xogaron, Elenita, Consuelo, Mariángeles, Ángela e Rocío.
GOLES:
1-0, min. 3 Chiqui
COLEXIADOS: Dans Rey e Moreira Bermúdez do colexio galego. Recibiron cartón amarelo Judith no Ourense Envialia.
INCIDENCIAS: Pavillón Os Remedios. Preto de 700 espectadores.
