Un punto que sabe a gloria é o que se trouxeron no peto as galegas do Ourense Envialia da súa visita á pista do STV Roldán FS.
Ese 2-2 co que regresaban as futbolistas que adestra Morenín do seu paso pola cancha do STV Roldán FS é moi importante. Medíanse as ourensás ás súas inmediatas perseguidoras. E chegaban as galegas curtas de efectivos á cita. Con todo, as xogadoras do Ourense Envialia solventaron a situación rascando un puntiño máis que xeitoso desde desprazamento.
Reparto de puntos en un partido muy intenso y competido entre dos rivales directos en la lucha por los puestos que dan acceso al Playoff por el título.
Seguimos trabajando equipo💪🧡#STVRoldan pic.twitter.com/et2jEaMRFP
— STV Roldán FSF (@RoldanFSF) April 2, 2022
Por dúas veces se adiantaba o STV Roldán no marcador, primeiro cun tanto de Mariángeles, e logo cun de Ángela Górriz, e por dúas veces Laura Uña devolvía as táboas ao electrónico. A última no minuto final do partido con Morenín apostando polo xogo de cinco. A aposta do galego fíxolle gañarlle a partida na pizarra a Joaquín Peñaranda, técnico rival.
Unicamente un punto as separaban antes desta xornada, e exactamente o mesmo as separan na táboa cunha xornada máis consumida nesta Liga 2021-22. Este empate sérvelles ás galegas para manterse por riba das súas rivais e conservar a sexta praza. O Ourense Envialia está a tres puntos da zona nobre e mantén vivas as súas opcións de meterse nos play-offs polo título de Liga esta tempada.
O seguinte rival do Ourense Envialia, o UA Alicante
A vindeira semana o equipo ourensá recibirá ao Universidad de Alicante do que lles separan seis puntos. As galegas son sextas na táboa e as alacantinas novenas.
Se o equipo que prepara Morenín non quere perder o paso para meterse en postos de play-off máis adiante, non deber fallar ante este rival directo.
FICHA TÉCNICA
2) STV ROLDÁN FS: Cristina, Mariángeles Villa, Andrea, Mayte Mateo e Alba Gandía – quinteto inicial -. Tamén xogaron: Marian, Noelia Montoro, Ángela Górriz, Laura, Consuelo e Patricia.
2) OURENSE ENVIALIA: Elisa Robles, Robinha, Sara Moreno, Laura Uña e Chiky – quinteto inicial -. Tamén xogaron: María, Judith, Iria Saeta, María Arias e Zaide.
GOLES: 1-0, min 16: Mariángeles Villa;1-1, min 25: Laura Uña; 2-1, min 34: Ángela Górriz; 2-2, min 39: Laura Uña.
ÁRBITROS: Botella López e Castillo López, do comité de Murcia. Amonestaron con cartón amarelo ás xogadoras do Ourense Envialia Sara Moreno e Robinha, mentres que no cadro local foi sancionado con carto amarelo o adestrador, Joaquín Peñaranda. Mayte Mateo foi expulsada no 40′.
INCICENCIAS: Partido correspondente á 21ª xornada da Primeira División do fútbol sala feminino da RFEF disputado no pavillón Gabriel Pérez.
