Ourense Envialia fixo toda unha rebelión no pavillón de La Granja do Sala Zaragoza. As pupilas de Morenín lograron levantar un 2-0 ao descanso para acabar remontando 2-3 e levándose os tres puntos para a cidade das burgas.
O choque comezaba con intercambio de chegadas de perigo sobre ambas as porterías. Aos poucos o Sala comezaba a ter maior presenza ofensiva ocasións de Dedeia e Jeni que salvaba o Ourense case baixo paus. Afectaba a acumulación de partidos do Ourense tras xogar tres partidos nunha semana.
Nacho Rego
Morenín, adestrador do Ourense Envialia: “Afectounos moito a acumulación de partidos durante esta semana e na primeira parte estivemos á mercé do Sala Zaragoza”.
Un balón estrelado no pau por Paola, foi a antesala do 1 a 0, obra da citada protagonista á saída dun saque de banda botada por Dedeida culminando cun potente lategazo. Pouco despois as zaragozanas conseguían ampliar a súa renda co gol de Livia resolvendo dentro da área unha xogada enmarañada. O primeiro acto finalizaba cun novo remate ao pau de Livia e outra ocasión clara de Dedeia ante un conxunto galego que non se mostraba cómodo.
Morenín, adestrador do Ourense Envialia: “No descanso fixemos varios axustes e a partir do 2-1 fomos o equipo de sempre. Creo que equipo chegou moi enteiro aos minutos finais a pesar da acumulación de partidos”.
Tras o tempo de lecer as cousas cambiaron. A escuadra galega foi a de sempre, dominando e levando o peso do partido. As ourensás trataron de enxugar o empuxe local subindo a súa liña de presión, recortando diferenzas co 2 a 1 por mediación de Sara Santos fusilando dentro da área un balón solto. Dous minutos despois, nun penalti cometido por Suzan sobre Sara, permitía a Laura Uña igualar o envite desde os seis metros.
Morenín, adestrador do Ourense Envialia: “Gañar aquí ten moito mérito. Estamos a tres puntos do Burela e iso é digno de admirar. Somos dos equipos menos goleados da categoría e iso para felicitar a todas as xogadoras”.
OURENSE ENVIALIA
Tras o empate o Sala volvía plantarse con perigo ante a área rival pero Vane conseguía soster á escuadra ourensá. No tramo final do período unhas e outras se envorcaban sobre a portería rival, ata a chegada do 2 a 3, obra de Laura Uña finalizando unha rápida acción ofensiva. Con todo perdido, o conxunto aragonés optou no tramo final polo xogo de cinco pero sen acerto na finalización para equilibrar o duelo. Gran vitoria e gran remontada do Ourense Envialia. Tres puntos dos que fan afección nunha pista moi complicada que apretou e animou moito. Terceiras e a tres puntos do Burela.
Viaxando xuntas
O bonito detalle do viaxe do conxunto ourensán cara terras mañas foi o encontro que tiveron o primeiro e o segundo equipo a medio traxecto. Ourense Envialia B tamén tiña un largo desprazamento cara pamplona e ambas plantillas coincidieron nunha cafetería.
SALA ZARAGOZA: Suzan; Rafinha, Jenifer, Livia y Boix (quinteto inicial). Tamén xogaron, Dedeia, Paola, Sara e Lioba.
OURENSE ENVIALIA: Vane; Laura Doce, Marta, Sara Moreno y Chiqui (quinteto inicial). Tamén xogaron Candela, Laura Uña, Judith e Sara Santos.
GOLES:
1-0, min. 12 Paola
2-0, min. 15 Livia
2-1, min. 24 Sara Santos
2-2, min. 26 Laura Uña (penalti)
2-3, min. 36 Laura Uña
COLEXIADOS: Greppi Bergés e Pallás Martínez do colexio aragonés. Recibiron cartón amarelo Dedeia no Sala Zaragoza. Laura Doce e Judith no Ourense Envialia.
INCIDENCIAS: Pavillón Municipal de La Granja. Preto de 400 espectadores.
