O Ourense Envilia volve para terras galegas con tres puntos baixo o peto e con boas sensacións tras gañar por 0-2 nunha pista moi complicada. As pupilas de Morenín chegaban ao partido con varias baixas importantes pero saíron ao partido con ganas de sumar de tres, e así foi.
Claudia e Bet poñían as primeiras ocasións do partido para as roldanenses pero aos poucos minutos, o Envialia conseguía equilibrar o xogo en canto a xogadas de perigo e facía unha gran lectura da defensa zonal deo Roldán. “Soubemos ler moi ben a súa defensa zonal” destacaba Morenín tras o pitido final.
@nachorego
A tres minutos do descanso, nun erro na saída de balón do Roldan, Chiqui en xogada persoal polo á esquerda de potente disparo conseguía aloxar o seu remate na escuadra sen que nada puidese facer Etayo. Tras un tempo morto de Lacrampe, o Roldán buscou nos compases finais do período a igualada, pero as ourensás souberon aguantar o empuxe e puido ampliar a súa conta para acabar mantendo o 0 a 1 ao descanso.
Morenín, adestrador do Ourense Envialia: “Creo que fixemos un partido moi serio e estivemos moi disciplinadas. Sufrimos nalgún momento, sobre todo ao principio da segunda parte”.
Tras o tempo de lecer, as murcianas trataron de subir a intensidade do seu xogo poñendo en apertos á meta defendida por Vane Barberá, pero sin acerto. Nunha boa conexión entre Sara Santos, esta habilitaba a Laura Uña para que de potente disparo superase a Etayo para anotar o 0 a 2. O gol supuxo un xerro de auga fría para as locais, que aos poucos se refacían buscando mellor sorte coa presión alta. Pola contra o conxunto galego seguía dominando o xogo e non pasaba apuros para manter o resultado.
Morenín, adestrador do Ourense Envialia: “En liñas xerais gañamos con solvencia nunha pista moi difícil. Viñamos con moitas baixas e estou moi orgulloso de poder adestrar a este grupo. A forza do equipo está en todas as xogadoras”.
A seis minutos da conclusión, o STV optaba polo xogo de cinco con Marta das Rochas como porteira xogadora. Nun erro na entrega, Sara Moreno desde cancha propia anotaba o 0 a 3 a porta baleira para poñerlle a puntilla ao partido levar os puntos e romper a serie do Roldán. 3 puntos máis para o Ourense Envialia que suma 50 puntos e segue como terceiro da división de ouro do fútbol sala.
FICHA TÉCNICA
ROLDÁN: Etayo, Bet, Andrea, Marta de los Riscos y Mariángeles (cinco inicial). También jugaron, Claudia Terrés, Ángela, Tere, María Barcelona e Cristi.
OURENSE ENVIALIA: Vane Barberá; Judith, Sara Moreno, Sara Santos, y Chiqui (quinteto inicial). También jugaron, María, Laura Uña, Laura Doce e Cárol.
GOLES:
0-1, min. 17 Chiqui
0-2, min. 26 Laura Uña
0-3, min. 38 Sara Moreno
COLEXIADOS: Jesús Murcia y José Javier Navarro del colegio murciano. Sin amonestaciones.
INCIDENCIAS: Pavillón Municipal Gabriel Pérez. Ante máis de 300 espectadores.
