Esta será a cuarta vez que Poio Pescamar e Ourense Envialia véxanse as caras durante esta tempada. Un duelo entre vellos coñecidos. Será a primeira vez que ambos equipos xoguen en Ourense nesta tempada, no pavillón dos Remedios. O encontro xogarase o sábado ás 17:00 e será emitido en directo pola TVG2.
Ambas escuadras coñécense moi ben e esta vai ser a primeira vez que o partido se xogue na cidade das burgas. Con anterioridade, o balance dos tres partidos na Seca é moi parexo. Un 2–3 para as ourensás na primeira volta da Liga, un 3–1 nos oitavos de final da Copa da Raíña para as conserveiras e o recente 0–0 na ida das semifinais da Copa Galicia. O encontro de volta desta competición, o 18 de marzo, será o derradeiro derbi entre os dous clubes nesta campaña.
O adestrador galego do Ourense Envialia, Morenín, falou do seu rival durante a previa: “Espérome un Poio con moito descaro, que lle gusta ter o balón e con moito gol. Vén cunha idea recuperada e terá ganas de xogar en Ourense”.
Morenín, adestrador do Ourense Envialia: “Espérome un Poio con moito descaro, que lle gusta ter o balón e con moito gol. Recuperan a Iria e terán ganas de xogar en Ourense”.
Actualmente, o Poio Pescamar recuperou o quinto posto na Primeira División logo de vencer por 3–1 ao Bilbo, no día no que debutou Lutxi nas filas rojillas. Pola contra, lonxe da Seca, as de Raúl Jiménez suman tres derrotas seguidas e catro partidos sen gañar. A última vitoria remóntase ó día 30 de novembro, cun 2-4 en Leganés. O balance coma visitantes é de 4 triunfos, 2 empates e 4 derrotas, con 24 goles marcados e 29 recibidos.
Morenín tamén destacou o gran estado de forma de Anita, do Poio Pescamar: “Anita está nun gran estado de forma e terá ganas de volver. Creo que temos unha mínima vantaxe polo feito de xogar en casa”.
Morenín, adestrador do Ourense Envialia: “Anita está nun gran estado de forma e terá ganas de volver. Creo que temos unha mínima vantaxe polo feito de xogar en casa”.
No podio da Liga e loitando cos galos da categoría, está o Ourense Envialia. As pupilas de Morenín só cederon dous empates e dúas derrotas nas 22 xornadas da competición doméstica. No seu feudo, no pavillón dos Remedios tan só caeron ante o Pescados Rubén Burela e empataron co Alcorcón, o segundo e cuarto clasificado respectivamente. As ourensás acumulan un gran refacho de resultados tras vencer os sete últimos partidos de Liga, todos os de 2020. Un ano no que só o Poio logrou vencer ás ourensás, no torneo do K.O.
Morenín, adestrador do Ourense Envialia: “Será un partido moi igualado. O Poio é un club que mellorou moito a súa estrutura estes anos. Son unhas das mellores plantillas da Liga e é un club ben asentado”.
Así pois, outro derbi entre coñecidos que promete o mellor nivel do fútbol sala feminino galego e nacional e no que ambos conxuntos xóganse moito máis que tres puntos. Para as locais, asegurar a terceira praza e non perder de vista o segundo posto do Burela. Para o Poio, manter a quinta praza.
O conxunto ourensán recupera a Iria para a cita ligueira e viaxará co plantel ao completo.
Morenín, adestrador do Ourense Envialia: “Será un partido que se decidirá polos pequenos detalles. Unha vitoria case certificaría o playoff e esperemos que así sexa. Os dous equipos creo que chegamos un tanto fatigados pola acumulación de partidos. Non estamos afeitas xogar entre semana”.
