O ano 2020 comeza coa sempre competitiva e soprendente Copa da Raíña. Ademáis, este ano a competición copeira ven marcada por varios cambios. Non se celebrará como agora entre os oito primeiros ao final da liga, senón que a disputarán os 16 equipos de Primeira e os catro primeiros de cada grupo da División de Prata. En total 32 equipos que xogarán tres roldas a partido único -en decembro, xaneiro e febreiro- para decidir os catro que se xogarán o título nun formato de Final Four.
Morenín, adestrador do Ourense Envialia: “Sabemos que vai ser un partido complicado ante un gran rival. Desde que lles gañamos en Liga, elas non perderon ningún partido”.
Os oitavos da Copa da Raíña traen un duelo entre o 3º clasificado (Ourense Envialia) e o 4º (Poio Pescamar). É, por así decilo, o duelo entre os “mortais” da 1ª División do futsal, xa que Futsi e Burela están demostrando nesta primeira volta unha superioridade con respecto ao resto. O duelo terá lugar o vindeiro 5 de xaneiro ás 12:00 no Pavillón Municipal de A Seca.
Tanto as ourensás como as de Combarro están a facer un gran ano, e entre elas, tan só as separan 3 puntos. 11 vitorias suman as de Morenín por 10 as pupilas de Raúl Jiménez. A este partido de oitavos, o Envialia chega tras eliminar a domicilio ao C.F.S. Femenino San Fernando por 2-4. O Poio, foi que de eliminar ao Fisgón de Pili Costa no Pavillón de A Raña.
O adestrador das ourensás, Morenín fixo unha valoración do partido de Copa e do novo formato deste torneo do KO: “Hoxe fixemos tres sesións e a xente está con ganas para afrontar o partido de Copa con este novo formato”.
Sabemos que vai ser un partido complicado ante un gran rival. Desde que lles gañamos en Liga, elas non perderon ningún partido. O factor cancha pode ser determinante e será interesante ver como estamos o dous equipo tras o parón”, falaba Morenín sobre os perigos do Poio na súa pista.
O conxunto ourensán non presenta baixas para o encontro de mañá: “Por sorte non temos lesións e temos a todo o equipo a disposición”, engadiu o técnico do Envialia.
