O Ourense Envilia ten o vindeiro sábado unha cita complicada no campo do líder. O Futsi Navalcarnero ocupa a posición de ouro da Primeira División e mantense invicto, contando os seus partidos por vitorias.
As de Morenín terán unha proba de fogo para evaluarse e ter a oportunidad de aguantar o tirón dos dous equipos que dominan a categoría, O Futsi e o Pescados Rubén Burela, primeiro e segundo, respectivamente.
Morenín, adestrador do Ourense Envialia, destacou a dificultade do rival e o potencial que dispón o conxunto madrileño: “É o único equipo que leva 14 vitorias consecutivas. Manexa moi ben varios aspectos do xogo e ten xogadoras moi habilidosas como Anita Luján (capitá selección española), Ari o Leti, ambas con moita experiencia. Ten moito mérito porque tamén perderon xogadoras en verán como Bruna y Marta Pelegrín e reforzáronse con dúas xemelgas do filial. Levan moitos anos con Andrés Sanz e están moi acostumbradas a xogar xuntas e a gañar”.
Esta será a última xornada do 2019 e logo virá o parón. O adestrador ourensán dispón de todas as súas xogadoras para viaxar á capital e terá que “competir a un nivel alto se queremos gañar. A concentración ten que ser máxima e temos que saber elexir boas tomas de decisión. É unha pista moi complicada para acabar o ano pero imos con moitas ganas. Temos todo o plantel a disposición para viaxar a Madrid”, aclarou o técnico galego.
Premio + Deporte da Región ao mellor conxunto absoluto da provincia
O Ourense Envialia é un referente na elite do fútbol sala feminino. O seu terceiro posto en Primeira División do pasado curso fixóxes xustos gañadores do Premio + Deporte da Región ao mellor conxunto absoluto da provincia. Ademais do meritorio tercer posto da tempada pasada, o conxunto ourensán foi semifinalista da Copa de España (caeron derrotados contra o campión Pescados Rubén Burela) e subcampión de Copa Galicia.
O equipo dirixido por Morenín agredecía, nas súas redes sociais, o premio recibido de este xeito: “Un premio que nos fai especial ilusión pois é o recoñecemento na nosa cidade do traballo e o esforzo, ademais da ilusión, compromiso e orgullo de levar a Ourense por toda España. GRAZAS A TOD@S! Seguiremos traballando con humildade e responsabilidade para que vos sigades sentindo orgullosos de nós e que moitas nenas máis se unan a este deporte! Lembrar que este premio non é só dos que aparecen na foto de arriba senón de todo un pequeno exército de nenas que vén crecendo en idade e número día a día e que tentamos fágano cuns valores deportivos… de toda a xente que traballa na sombra para que isto sexa posible, sponsors… en fin moita xente detrás para facer toda esta BENDITA LOCURA POSIBLE”.
Chiky convocada para os partidos contra Portugal do 12 ao 16 de Xaneiro
Na previa da visita ao líder, as galegas tamén recibiron a boa nova da convocatoria de Chiky cosa selección absoluta. A seleccionadora Clàudia Pons deu a lista o pasado luns no que estaba a xogadora de Verín. A número 3 coincidira no combinado nacional coas galegas, Vanessa Sotelo e Ana Rivera.
