O Ourense Envialia tivo hoxe que visitar a cancha que ninguén quere pisar. A pista do líder, un Futsi Nalvalcarnero que conta todos os seus partido como vitorias. As de Morenín no se amedrentaron e saíron a por todas no Pavillón Municipal do Álamo pero as madrileñas tiveron máis acerto e acabaron gañando con claridade (5-2).
Tras un gran comezo das galegas, o líder respondeu cun primeiro gol da conquense Anita Luján aos dous minutos de xogo cun potente disparo á escuadra. O adestrador galego, Morenín, xa advertiu durante a previa o perigo de Anita Luján e as súas compañeiras. O combinado ourensán reaccionaba pouco despois cun gol de Candela ao segundo pau culminando un centro de Sara Moreno.
“Creo que saímos enchufadas ao partido, soubemos igualar a contenda tras o 1-0. O Futsi é un equipo que leva moito tempo xogando xuntas e custounos moito igualar o seu ritmo. Elas estiveron moi ben co balón”, falaba Morenín sobre o comezo do partido.
O Envialia, tras o empate, optaba por presionar con intensidade a saída de balón dun conxunto branquivermello que buscaba manter o dominio do tempo de partido. Antes da medianía do período, María Sanz poría por diante de novo ás locais tras unha gran asistencia da gaditana Amelia Romero. O choque resultaba moi competido e as visitantes conseguían manterse moi vivas no mesmo, a pesar de que ao fío do descanso, en xogada persoal de potente punteirazo pegado ao pau, que non lograba despexar Vane Barberá, a vallecana Leti convertíao no 3 a 1.
O segundo acto non cambiaba o curso do envite, cun Futsi que tentaba manter o ritmo de partido e un Ourense que optaba por alternar a presión en metade e en tres cuartos de cancha. Antes da medianía do segundo acto, nun roubo de balón de María Sanz en primeira liña de presión, permitíalle habilitar un pase a Ari na frontal da área para que a goleadora da liga fixese o 4 a 1. A cousa poñíase moi dificil para as de Morenín.
O técnico galego a reacción do seu equipo tras o tempo de lecer, ainda que non foi suficiente para igualar a contenda: “Na segunda parte fixemos uns axustes en defensa e o equipo saíu máis valente. Ao final, con 4-1 sacamos porteira xogadora e estivemos preto de anotar para poñelas en aprietos pero non puido ser. O resultado final é xusto”.
Ser o primeiro dos mortais
A sentenza chegaba a pouco máis de catro minutos do final cun gol de Ju Delgado tras unha presión na saída de balón de Anita Luján. Un minuto máis tarde, cun Ourense alternando varios minutos con xogo de 5, chegaba o gol da internacional Chiky que subía o segundo tanto para as ourensás. A de Verín finalizou de potente disparo tras unha gran xogada persoal. De Aí ao final, o Atlético controlou o desenvolveu do xogo para acabar consumando o seu pleno de vitorias na primeira volta. 15 de 15 para as madrileñas nunha primeira volta perfecta e deixa ao Ourense Envialia 3º a 10 puntos do liderato.
Morenín, a pesar da derrota, quixo poñer en valor o gran traballo e gran primeira volta das súas xogadoras. “Temos que seguir traballando para estar a nivel do Futsi. Estes son partidos que che fan mellorar. Non foi o mellor encontro para finalizar o ano pero hai que estar moi contentas coa traxectoria da primeira volta. Ten moito mérito ir terceiras e seguiremos traballando para estar na pomada e ser o primeiro dos mortais”. En clara referencia a superioridade tanto do Futsi como do Pescados Rubén Burela.
FICHA TÉCNICA
ATLÉTICO NAVALCARNERO: Belén; Ari, Anita Luján, Leti e Ju Delgado (quinteto inicial). Tamén xogaron, María Sanz, Gaby, Amelia, Irene Córdoba e Marta Balbuena (segunda porteira).
OURENSE ENVIALIA: Vane Barberá; Iraia, Marta, Chiqui e Sara Moreno (quinteto inicial). Tamén xogaron, Candela, Laura Uña, Judith, Sara Santos e Laura Doce.
GOLES:
1-0, min. 2 Anita Luján
1-1, min. 3 Candela
2-1, min. 8 María Sanz
3-1, min. 19 Leti
4-1, min. 28 Ari
5-1, min. 36 Ju Delgado
5-2, min. 37 Chiqui
TARXETAS: Recibiron cartolina amarela Amelia no Futsi Atlético Navalcarnero e Judith no Ourense Envialia.
COLEXIADOS : Do Olmo Martínez e Barroso García do colexio madrileño.
INCIDENCIAS: Pavillón Municipal do Álamo. Preto de 200 espectadores.
