Tres puntos moi importantes no pavillón de Os Remedios que fan que o Ourense Envialia afiance en postos de playoff polo título tras superar por 3-2 ao UCAM Elpozo Murcia. As pupilas de Morenín amplían a diferenza co quinto posto que marca o límite para entrar en playoff. A derrota do Poio Pescamar deixa as conserveiras a 15 puntos das ourensás.
O choque comezaba de forma inmellorable para o Envialia que aos 30 segundos adiantábanse con gol de Sara Santos desviando co peito un disparo afastado de Marta a balón parado. O conxunto adestrado por Morenín dominaba o primeiro cuarto de partido, pero non aproveitaba as súas ocasións par ampliar a renda e si o faría a escuadra murciana que igualaba o envite por mediación de Pepa aproveitando un desaxuste defensivo local.
Morenín, adestrador do Ourense Envialia: “Non tomamos as mellores decisións nos metros finais e iso fixo que chegásemos ao final do partido cun marcador moi axustado”.
@nachorego
Antes do descanso, Laura Uña poñia o 2-1 co que se chegaría ao tempo de lecer, despois dunha xogada trenzada de equipo resolvendo desde oito metros cun disparo raso. Na segunda parte, as pimentoneras optaban por subir a intensidade do seu xogo equilibrando a maior posesión local e superada a medianía do período acaban optando polo xogo de cinco.
Morenín, adestrador do Ourense Envialia: “Os dous equipos chegamos moi cansadas ao final de partido. Son tres puntos moi importantes que nos afianzan ao terceiro posto e aos postos de playoff“.
Esta circunstancias conseguía sacar por momentos do partido ao Envialia que ademais vía como as murcianas igualaban por mediación de Noelia Montoro. Un bo gol á saída dun saque de esquina. Con todo por decidir no tramo final, unhas e outras se envorcaron en tarefas ofensivas ata que Chiqui a tan só dous minutos da conclusión conseguía anotar o definitivo 3 a 2 para as galegas, despois dun roubo de balón en metade de pista. Tres puntos máis para as de Morenín que teñen cada vez máis preto asegurar o obxectivo da tempada, entrar en playoff.
Morenín, adestrador do Ourense Envialia: “Temos que valorar moito a vitoria ante un gran rival. El Pozo é un equipo con xogadoras moi novas e con moito potencial”.
@pereda9
FICHA TÉCNICA
OURENSE ENVIALIA: Vane Barberá; Chiqui, Sara Santos, Marta e Sara Moreno (quinteto inicial). Tamén xogaron, Candela, María, Laura Uña, Judith, Laura e Cárol.
UCAM: Cristina; Lola, Pepa, Noelia e Patricia quinteto inicial). Tamén xogaron, María, Chihiro, Susana, Alba e Idoya.
GOLES:
1-0, min. 1 Sara Santos
1-1, min. 10 Pepa
2-1, min. 18 Laura Uña
2-2, min. 34 Noelia Montoro
3-2, min. 38 Chiqui
COLEXIADOS: Colexiados, Crujeiras Rodríguez e Rodríguez Rendal do colexio asturiano. Sen amoestacións.
INCIDENTES: Pavillón Os Remedios. Máis de 600 espectadores.
