Un pavillón de Os Remedios a rebentar vivía un derbi ourensán cargado de intensidade e con moito en xogo. As locais mirando o segundo posto e as de Manolo Codeso con ganas de gañar para saír da zona de abaixo.
O festival do fútbol sala da provincia acabou con 0-0 na primeira parte pero foi na segunda cando impúxose a calidade das de Morenín. Os 3 goles anotados na segunda mitade decantaron o derbi para as locais.
O xogo directo do Cidade de As Burgas conseguía desarbolar a habitual temperanza e maior posesión do Ourense que non se mostrou cómodo no primeiro acto. As mellores ocasións chegaban en senllos remates aos paus dunhas e outras aos 5 e 8 minutos de xogo. O período concluiría con empate a cero e un derbi moi aberto.
O temperán gol en propia meta de Amelia ao segundo pau no seu intento de despexar un saque de esquina botado por Marta marcaba o inicio do período. O descanso foi un bálsamo para as de Morenín que comezaron a despregar o seu mellor xogo na segunda metade.
Sara Moreno anotaba un dos tantos do ano
No ecuador da segunda metade chegou o mento de Sara Moreno. O primeiro gol, tras unha xogada persoal culminada cun potente disparo raso desde o á esquerda. Dous minutos despois facía un dos tantos da xornada e posiblemente da Liga. Interceptou un pase en campo propio, viu a Ana López un tanto adiantada e tras levantar a cabeza golpeou desde o seu campo e fixo unha vaselina espectacular. Os Remedios veuse abaixo.
Antes de recorrer ao xogo de cinco, as de Codeso dispuxeron de varios achegamentos de perigo que lle metesen de cheo na pugna polos puntos, pero as locais souberon aguantar no tramo final para acabar puntuando de 3.
Morenín: “Sara Moreno foi a MVP do partido”
O adestrador do Envialia deu moito valor a vitoria de hoxe das súas: “Creo que foi unha vitoria merecida e xusta. Na primeira parte estivemos algo espesas, necesitábamos ter máis tranquilidade xa que elas xogan moi directo”.
Aclarou as verbas que tivo no vestiario durante o descanso para cambiar a imaxe do equipo na segunda parte: “No descanso tan só pedínlles que tivesen máis calma co balón. Que tíñamos que mellorar as tomas de decisión e buscar á pivot”.
Os dous golazos de Sara Moreno decantaron o partido do lado das de Morenín: “Sara asustouse moito co encontronazo que tivo coa porteira Ana López. Pero logo recuperóuse e para mín foi a MVP do partido. É unha xogadora con moita experiencia e unha das mellores pivot da Liga”.
Por último, alabou o gran ambiente vivido nun pavillón de Os Remedios a rebentar: “Gustaríame destacar o bó rollo vivido hoxe na grada de Os Remedios. Felicitar a xente polo comportamento que tivo e por vir a disfrutar de un partidazo”.
Un Manolo Codeso moi orgulloso das súas xogadoras
O técnico do Cidade, valorou o gran partido que xogaron as súas pupilas na tarde de hoxe: “Voume con boas sensacións do partido. Imos a máis, o duelo gustoume moito ante un dos rivais máis fortes da categoría e creo que por méritos propios merecemos puntuar xa na Liga”.
Quixo ter unha verbas sobre o gran rival que tivo hoxe enfrente: “O equipo rival tívonos moito respecto e na primeira parte tivemos ocasións. O primeiro gol sentounos moi mal e logo xa tivemos que arriscar e o partido rompeu. Quedo coa sensación de pelexar o partido #ante un rival fortísimo. O terceiro gol matounos”.
“Estamos a facer ben as cousas, este equipo é un exemplo para seguir. Cústanos moito puntuar pero se fixemos que o Ourense hoxe nos respectase, é que imos polo bo camiño”, engadiu Codeso.
Sobre o gran ambiente de hoxe no pavillón de Os Remedios quixo “dar as grazas á afección. Ver o estadio cheo e con tanta xente apoiándonos é para estar contento e agradecido. Somos un exemplo para Ourense e para toda España”.
FICHA TÉCNICA
Ourense Envialia: Vane Barberá; Marta, Chiqui, Sara Moreno e Laura Doce (quinteto inicial). Tamén xogaron, Candela, Iraia, Laura Uña, Judith, Sara Santos e María.
Cidade de As Burgas: Ana López Lastra; María Arias, Lucía Nespereira, Clara Fernández e Sonia (quinteto inicial). Tamén xogaron, Amelia, Nahir e María López.
1-0, min. 23 Amelia (propia puerta)
2-0, min. 28 Sara Moreno
3-0, min. 30 Sara Moreno
Pavillón de Os Remedios ante casi 1300 espectadores. Colexiados, Otero Mira e Martínez Torres do colexio galego. Recibiron cartón amarelo Ana Lastra e Nati no Cidade de As Burgas e Chiqui, Sara Moreno no Ourense Envialia.
