O Ourense Envialia sufriu máis da conta coa visita do Bilbo ao feudo ourensán. As de Morenín superarpn por un axustado 1-0 ao Bilbo nun duelo competido no que as locais contaxiaronse en exceso do xogo das vascas, cun ritmo lento e denso. Na segunda metade o conxunto ourensán melloro e puido verse a un equipo máis recoñecible.
Morenín, adestrador do Ourense Envialia: “Coas novas incorporacións o Bilbo mellorou. É mellor equipo que o da primeira volta. Aínda así, nós saímos moi enchufadas e logo é certo que nos contaxiamos do seu ritmo”.
O conxunto galego comezou dominando o tempo de partido, cun inicio fulgurante con varias ocasións claras que non aproveitaba. O Bilbo, por contra, foi levando o devir do xogo cara aos seus intereses concluíndo o período cun baixo ritmo de xogo e poucos achegamentos de perigo. As de Bilbao incluso chegaron a ter un man a man ante Vane, que por sorte para as galegas, non concluiu en gol.
Morenín, adestrador do Ourense Envialia: “A segunda parte foi un monólogo pola nosa banda. Fallamos un penalti e dous dobres penaltis e a súa porteira foi a mellor. Tivemos paciencia e ao final son tres puntos sufridos”.
Tras o descanso, o Ourense tratou de imprimirlle máis intensidade e velocidade ao seu xogo, cun conxunto vasco que aos poucos se cargaba de faltas. Sara Moreno de penalti puido adiantar ás locais, pero o único gol do partido demoraríase ata o tramo final, obra de Laura Uña aproveitando un coiro repelido en curto por Jone a disparo de Laura Doce. O Bilbo optou pouco despois polo xogo de cinco e en senllos dez metros as locais puideron sentenciar, pero tiveron que sufrir ante un conxunto vasco que apertou sen sorte nos compases finais. Tres puntos máis para as de Morenín que teñen cada vez máis cerca completar o obxectivo de asegurar matemáticamente os postos de playoff.
Morenín, adestrador do Ourense Envialia: “Eu creo que o resultado foi demasiado curto para o visto no terreo de xogo pero ás veces sabe mellor gañar así. Tres puntos máis e cada vez máis preto do obxectivo”.
FICHA TÉCNICA
OURENSE ENVIALIA: Leti; Judith, Sara Moreno, Sara Santos, y Chiqui (quinteto inicial). Tamén xogaron, Marta, Candela, Laura Doce, María e Laura Uña.
BILBO: Jone; Delisse, Andreza, Pitxi y Almu (quinteto inicial). Tamén xogaron, Esti, Lais e Diana.
GOLES: 1-0, min. 36 Laura Uña
COLEXIADOS: Menéndez Nistal e Vilas López. Recibiron cartón amarelo Andreza, Alma con doble amarilla e Leis (40’) no Bilbo. Judith e Sara Moreno no Ourense Envialia.
INCIDENCIAS: Pavillón dos Remedios. Uns 300 espectadores.
