O duelo entre galegas que protagonizaron o 5 Coruña FS e o filial do Ourense Envialia na Segunda División rematou con triunfo das ourensás 1-5. En Bilbao, ante o Viuda de Sainz Gora Bilbao, o Bembrive vencía 2-5.
Varios conxuntos galegos aproveitaron esta fin de semana para recuperar partidos pendentes. Foi o caso do partido disputado en terras bilbaínas entre o Viuda de Sainz Gora Bilbao e o Bembrive FS, que rematou con vitoria das viguesas por 2-5. Este partido correspondía á xornada 13ª e xogouse no Polideportivo Abusu. As bilbaínas cuartas pola cola, non foron rival para un Bembrive que segue terceiro.
Triunfo do Ourense Envialia B na cancha do 5 Coruña
No caso do duelo entre galegas que se xogaba no Pavillón de Novo Mesoiro na Coruña, o conxunto local era derrotado cun marcador de 1-5 polo conxunto filial do Ourense Envialia. Chegaron as vermellas a adelantarse no marcador cun 1-0 anotado por Ainhoa no primeiro minuto de xogo. Cinco minutos máis tarde empataba Susana para as visitantes e case de inmediato, Vera Rivero anotaba o 1-2 que abría o camiño á vitoria do filial ourensá. Máis tarde anotaría Sandra en dúas ocasións e Susana, co seu segundo gol, pecharía o marcador no 1-5.
Este resultado permite ás das Burgas aumentar distancias precisamente co Viuda de Sainz Gora Bilbao pero sume un pouco máis na cola da Segunda División da RFEF ao conxunto herculino. As vermellas son penúltimas con cinco puntos, a catro da Fervenza (terceiras pola cola) e a oito das bilbaínas. Mantense, polo tanto, a situación complicada para as coruñesas.
FICHA TÉCNICA
1) 5 CORUÑA FS: Nati; Leni, Alba Quiroga, Ainhoa e Alba Vázquez – quinteto inicial –. Tamén xogaron: Laura Tesouro, María Romero, Sandra Blanco, Martita Fra e Nati Sandá.
5) OURENSE ENVIALIA B: Dolores; Alba, María, Sandra e Paloma – quinteto inicial –. Tamén xogaron: Vega García, Sofía, Uxía, Susana, Nerea, Nuria, Zaide e Vera Rivero.
GOLES: 1-0 min. 1: Ainhoa. 1-1 min. 6: Susana. 1-2 min. 6: Vera Rivero. 1-3 min. 10: Sandra. 1-4 min. 12: Sandra. 1-5 min. 25: Susana.
ÁRBITROS: Roberto Amor Vizoso e Alejandra Bujía Piñeiro Varela.
INCIDENCIAS: Partido pendente de disputarse correspondente á décimo segunda xornada da Segunda División do Fútbol Sala feminino da RFEF.
O Amarelle aínda máis líder logo de impoñerse a un loitador Cidade de As Burgas GLS (0-2)
