Txantrea e Ourense Envialia “B” xogaban en terras navarras o partido correspondente á xornada 11 da Segunda Division Nacional Feminina. O partido comezou con moito ritmo por parte dos dous equipos. O técnico das ourensás, Rubén Carballo valorou “a importancia de conseguir un punto importante nunha pista moi complicada para acabar este 2019”.
O Txantrea conseguía poñerse por diante no marcador nunha transicion rápida mal defendida pola defensa ourensá. A partir de ahi bos minutos do filial ourensán con posesións largas e dominio de balón sen conseguir poñer en excesivos apuros á porteira local. Nun sanque de esquina Zaide facía o 1-1 co que se chegaría ao descanso.
A segunda parte arrancou con dominio visitante e boas e claras ocasións por parte do conxunto ourensán, que non conseguia acertar para materializar ese dominio en goles. Nunha perdida en campo contrario e tras unha boa contra por parte das locais, poñíanse por diante a falta de 5’38’’.
O Envialia “B” apostaba polo xogo de 5 e na segunda acción con porteira xogadora conseguía igualar o partido cun gol de Andrea. Na acción do encontro e co crono chegando a cero, as de Rubén Carballo dispuxeron dun dobre penalti que Zaide enviaba ao pau e deixaba o 2-2 final no luminoso.
O Castro aséntase na zona temperada da táboa
Partido de ida e volta con grandes ocasións de gol para ambos conxuntos. O enfrontamento por engancharse a zona de arriba da táboa acabou con vitoria para as de Castro de Rei. Con estes 3 puntos, as galegas superan ao Lacturale e dous puntos e aséntanse na zona tranquila da táboa.
O Castro, con esta vitoria, mellora a dinámica de resultados e afronta o parón cunha gran actuación ante un rival directo.
A vindeira xornada, o Castro ten una dura saída xa que visita a casa do líder, o Viaxes Amarelle. Duelo entre conxuntos galegos que chegan ao partido con vitoria.
Adiado o partido do Valdetires en Ferrol
O Valdetires Ferrol, que xogaba no Pavillón de Esteiro contra o Promesas Cocinas de Logroño, suspendeuse por mor do temporal. O Concello de Ferrol cancelou todas as actividades deportivas na xornada de hoxe.
