O filial ourensán afronta un partido no que hai en xogo máis que tres puntos. O conxunto dirixido por Rubén Carballo viaxa a terras cántabras para xogar contra o Muslera ás 18:00. O Ourense Envialia B, de acadar os tres puntos, igualaría ao Muslera na táboa con 16 puntos e collería aire de cara a zona vermella do descenso.
O téncico galego destacou “as ganas de volver competir” do seu equipo tras dúas semanas sen xogar. “Aproveitamos para seguir adestrando e compartir adestramentos co primeiro equipo”, comentaba Carballo sobre a preparación das súas xogadoras durante o parón.
Rubén Carballo , adestrador do Ourense Envialia B: “Temos moitas ganas de volver competir. Aproveitamos para seguir adestrando e compartir adestramentos co primeiro equipo”.
As ourensás buscarán recuperar sensacións ante un rival directo tras acumular dúas derrotas seguidas nos anteriores encontros ante O Fisgón e Castro. “As xogadoras teñen moitas ganas e esperamos referendar as boas sensacións cun bo resultado nunha saída que sabemos que será moi difícil”, comentaba Rubén sobre o estado do seu plantel.
Rubén Carballo, adestrador do Ourense Envialia B: “As xogadoras teñen moitas ganas e esperamos referendar as boas sensacións cun bo resultado nunha saída que sabemos que será moi difícil. Levamos dúas semanas paradas e temos moitas ganas de volver competir”.
O filial ourensán fixa a súa mirada de cara á salvación pero se descuidar un obxectivo primordial, formar a xogadoras de cara ao primeiro equipo. “Oxalá podamos conseguir os tres puntos que nos axuden a seguir pelexando polo obxectivo de manter a categoría. Queremos seguir crecendo e evolucionando”, comentaba Rubén Carballo sobre a filosofía e obxectivos do club.
Rubén Carballo, adestrador do Ourense Envialia B: “Oxalá podamos conseguir os tres puntos que nos axuden a seguir pelexando polo obxectivo de manter a categoría. Queremos seguir crecendo e evolucionand
As galegas afrontan o partido coas baixas de Carla e Moraima que seguen a recuperarse das súas respectivas lesións. Ambas xogadoras estanse a integrar ao grupo pouco a pouco pero serán baixa para o partido.
