A falta de gol está a ser a conta pendente para o Ourense Envialia B durante esta tempada. O conxunto dirixido por Rubén Carballo volve de terras cántabras cun empate (3-3) que sabe a pouco. As galegas erraron bastantes ocasión claras de gol e Carballo, foi claro tras o encontro: “O equipo en liñas xerais estivo ben pero a falta de acerto de cara a gol está a privarnos esta tempada de estar máis arriba na clasificación”.
Rubén Carballo, adestrador do Ourense Envialia B: “O equipo en liñas xerais estivo ben pero a falta de acerto de cara a gol está a privarnos esta tempada de estar máis arriba na clasificación”.
O partido púxose moi custa arriba co primeiro gol das locais. Coa ventaxa pola mínima o partido íase ao tempo de lecer, pero tras a reanudación o Muslera anotaba o 2-0 e facía tarefa moi complicada a remontada das ourensás. “A falta de acerto privounos de levarnos un premio máis grande. É certo que tampouco fixemos un gran partido”, destacaba o técnico das galegas tras o pitido final.
Na segunda parte, o filial ourensán subiu as liñas de presión e xeraron máis ocasións de perigo. Debido a esta boa presión en bloque, as galegas conseguiron recortar distancias, pero cando mellor estaban a xogar, chegou o mazazo do 3-1.
Rubén Carballo moveu o banco e pasou a xogar de cinco. Con esta nova estratexia, o filial conseguir remontar e empatar o encontro (3-3). De non ser pola falta de gol, as ourensás acadarían un mellor resultado, xa que erraron dúas ocasións moi claras de gol.
Rubén Carballo, adestrador do Ourense Envialia B: “Viñamos de dúas semanas de parón e sempre é bo puntuar. Temos que tentar facer bo este punto a semana que vén en casa”.
O susto do partido daríao a gardamallas do Ourense Envialia B, Uxía, que tras un golpe fortuíto cunha xogadora do Muslera quedaría tendida no chan e tería que ser trasladada a un centro de saúdo. Por sorte, o golpe quedaría en un susto e non conlevaría gravidade. “Ao final todo quedou nun susto, foi muscular. Perderémola para unhas semanas pero esperemos que se recupere de mellor maneira posible”, animaba Carballo a súa gardamallas tras o susto.
