Ourense Envialia B volta á competición despois do parón do Nadal. As de Rubén Carballo buscarán sumar os tres puntos no pavillón de Os Remedios ante o Rodiles, pechacancelas da categoría que sumou sete puntos na primeira volta.
O filial ourensán, actualmente ocupa a 9ª posición da Segunda División e o propio Carballo, adestrador do Envialia B fixo unha valoración do partido durante a previa. Gañar para manter a distancia cos postos de descenso: “Considero que os adestramentos durante o parón e durante esta semana foron moi bos e imos pelexar polos tres puntos que nos permitan seguir distanciados da zona de descenso. Ademais, o Rodiles é un rival directo e unha vitoria distanciaríanos delas e poñeriámonos con 6 puntos de vantaxe”.
Rubén Carballo, adestrador do Ourense Envialia B: Imos pelexar polos tres puntos que nos permitan seguir distanciados da zona de descenso. Ademais, o Rodiles é un rival directo e unha vitoria distanciaríanos delas e poñeriámonos con 6 puntos de vantaxe.
O adestrador galego destacou á importancia de chegar ao final de tempada cunha boa ventaxa con respecto ao descenso, para evitar nervios e pasar apuros: “Vexo unha gran motivación nas xogadoras para seguir mantendo esa distancia con respecto á zona perigosa. Temos que facer valer que xogamos en casa, seguir crecendo que é a nosa meta, como filial. Queremos evitar chegar ao final da liga con apuro”
Rubén Carballo, adestrador do Ourense Envialia B: Temos que facer valer que xogamos en casa, seguir crecendo que é a nosa meta, como filial. Queremos evitar chegar ao final da liga con apuros
As galegas contan coas baixas de Carla e Moraima que xa levan bastante tempo fóra dos terreos de xogo.
