A eliminación de Copa da pasada fin de semana que sufriu o Ourense Envilia fronte o Poio foi un duro golpe para as de Morenín. As galegas buscarán recuperar sensación e manterse no podio da máxima categoría cunha vitoria ante o Leganés no partido correspondente á xornada 16 da Primeira División.
O conxunto ourensán partirá cara terras madrileñas o vindeiro sábado ás 10 da mañá para xogar ás 19:15 no pavillón da Fortuna. O adestrador Morenín falou dos perigos do equipo madrileño a pesar da súa situación na táboa: “O Leganés é un equipo que lle veu moi ben o parón de Nadal porque estaban no peor momento da tempada, a nivel de resultados e a nivel anímico. Están metidas en postos de descenso, pero saben ao que xogan e teñen un bo manexo do balón. É un equipo bastante ben estruturado. Ademais, virán cun subidón tras eliminar ao Penya Esplugues en Copa”.
A pesar dos resultados acadados na primeira volta, o Leganés é un equipo moi forte na súa chacha. “Na súa pista, son un equipo complicado e agresivo que che pon as cousas moi difíciles. Equipos parellos ao noso tiveron moitas dificultades para poder gañalas. Se prevee un partido moi competido e bastante difícil”, destacou Morenín na previa.
Morenín, adestrador do Ourense Envialia: O Leganés, na súa pista, son un equipo complicado e agresivo que che pon as cousas moi difíciles. Equipos parellos ao noso tiveron moitas dificultades para poder gañalas.
Recuperar sensacións tras a eliminación de Copa
Morenín quixo ter unhas verbas sobre a eliminación do torneo do KO ante o Poio Pescamar o pasado fin de semana: “Tras a derrota en Copa, o martes fixemos autocrítica e análise do sucedido cunha boa dinámica de grupo”.
O conxunto ourensán tan só presenta a única baixa é Laura Doce que se tivo que retirar no partido de Copa e non viaxará cara a capital.
