A primeira edición do Trail e Andaina Solidaria ‘Camiñando polo Dano Cerebral’ celebrarase o vindeiro 12 de setembro, desde as 09:30 horas, e acidade de Ourense será a anfitrioa. As pistas de atletismo do Campus de Ourense acollerán o evento, para o cal as inscricións finalizan este martes, 7 de setembro.
O Trail e Andaina Solidaria “Camiñando polo Dano Cerebral” esta organizado pola Federación Galega de Dano Cerebral coa colaboración de: Federación Galega de Atletismo – Delegación en Ourense; Concello de Ourense – Consello Municipal de Deportes; Concello de O Pereiro de Aguiar; Deputación de Ourense – INORDE e o patrocinio da Xunta de Galicia – Xacobeo 21•22; Campus de Ourense – Universidade de Vigo e Runmaniak.
O Trail e a Andaina desenvolverase por sendeiros e camiños do Concello de Ourense e de O Pereiro de Aguiar, nun atractivo e esixente circuíto deseñado por Rumaniak. O Trail terá unha distancia de 14 Km. e + 500 m. de desnivel positivo e a Andaina contará cunha distancia de 9 Km. e +200 m. de desnivel positivo.
Ao acto de presentación deste Trail e Andaina Solidaria acudiron Gabriel Alén Castro Delegado Territorial Xunta de Galicia, Manuel Pérez González Xefe Servizo Provincial Deportes Xunta de Galicia; Bernardino González Vázquez, Asesor de Deportes Deputación de Ourense; Mario Guede Fernández, Concelleiro de Deportes Concello de Ourense; Esther de Blas Varela, Vicerreitora Campus de Ourense – UVigo; Noelia Luque Gómez, Directora de RENACER; Begoña Hermida Val, Directora de FEGADACE; Lalo Arce, Runmaniak Colaborador do evento e Lalo Gómez Rosales en calidade de Director do evento
Como inscribirse no Trail e Andaina Solidaria de Ourense
No Trail poderán participar todas aquelas persoas maiores de 18 anos (o día da proba) que o desexen, federadas ou non federadas, sempre que estean inscritas nos prazos e formas establecidos ao efecto pola Organización (Ruta Trail)
Para a modalidade de Andaina poderán participar todas aquelas persoas maiores de 16 anos (o día da proba) que o desexen, sempre que estean inscritas nos prazos e formas establecidos ao efecto pola Organización (Ruta Andaina).
O prazo das inscricións, que deben realizarse nesta ligazón, pecha o 7 de setembro ás 23:59 horas e ten un custo de 10€ para o Trail e 5€ para a Andaina. O recaudado en inscricións irá destinado aos fins da Federación Galega de Dano Cerebral.
Se algunha persoa no pode participar na proba pero desexa colaborar, está habilitado o DORSAL 0 na propia páxina de inscricións no que poderá realizar a súa doazón. Os dorsais e chips serán entregados o mesmo día da proba na Pista de Atletismo do Campus de Ourense en horario de 08:00 a 09:00.
