O piragüismo galego triunfa en Europa con Antía Otero como máxima representante. A padexeira do Escuela de Piragüismo Ciudad de Pontevedra volveu a casa con tres medallas, un ouro, unha prata e un bronce, e sendo campioa continental na modalidade C1 200 júnior. En total, as galegas sumaron catro medallas no Campionato de Europa Sprint de Poznan.
Cun tempo de 49.570, a galega conságrase como unha das mellores deportistas do equipo español, superando na proba do C1 200 á húngara Fanni Seres e á rusa Anna Pivovarova, segunda e terceira respectivamente.
O éxito de Otero comezou antes, na proba do C2 500, na que competiu con Valeria Oliveira, do CP Piragüismo Poio-Conservas Pescamar. A parella de galegas loitou polo ouro, pero rematou na posición de prata, quedando por detrás da embarcación de Hungría, pero por diante de Ucraína.
A última medalla da pontevedresa foi na disputa da penúltima regata do Campionato europeo. As padexeira Otero e Oliveira competiron no C2 500, no que subirían ao podio cunha medalla de bronce, por detrás de Hungría e Rusia.
💪 Antía Otero y Valeria Oliveira cierran el medallero español y su segunda presea del día.
🥉 Bronce en C2 200 júnior y un campeonato de ensueño.
👏 Grandísima actuación de todo el equipo en el Europeo júnior y sub-23 de Poznan. pic.twitter.com/MFAIYp0dsg
— PiragüismoEspaña (@RFEPiraguismo) June 27, 2021
Ademais, a deportista da E.P. Ciudad de Pontevedra Claudia Couto tamén se colgou unha medalla, de bronce, na proba final do C1 500 xuvenil, detrás da húngara Agnes Kiss e a rusa Alina Kovaleva.
Tamén competiron no continental Irene Lata, do Ría de Betanzos, clasificada para a final do K1 1.000 xuvenil, onde rematou na novena posición. Pola súa parte, as galegas Lara Feijoo e Carolina García remataron oitavas na final do K4 sub23. Feijoo, do Kayak Tudense, repetiu na final do K1 200, finalizando sétima.
No apartado masculino, Pablo Crespo e Pablo Graña fixéronse co bronce no C2 500 sub23, mentres que Iván Fernández e Xoel García foron terceiros como parte do equipo do K4 500 sub23.
