A nadadora do CN Arteixo Paula Otero acudiu a Amberes para participar co Equipo Nacional na Flanders Swimming Cup. Alí, a deportista batiu un récord galego na proba de 200 bolboreta.
Otero competiu nun total de catro probas, chegando a catro finais rematando sempre entre os tres primeiros. Paula inaugurou a súa participación o sábado entrando nas finais de 200 bolboreta e 800 libre. Na sesión da tarde, rebaixou a súa marca de 200 bolboreta en dous segundos e rematou a proba en 2º posto e cun tempo de 2.14.57, récord galego. En 800 libre foi tamén se colgou a prata rematando en segunda posición.
O domingo foi finalista en 200 e 400 libre, acadando o 3º e 2º posto nas probas celebradas na sesión de tarde. Na competición dos 200 libre, as españolas ocuparon o podio con Ainhoa Campadabal e Alba Herrero por riba da nadadora do CN Arteixo. No caso dos 400 libre, o Equipo Nacional tivo moito éxito, coa prata de Paula Otero e o ouro de Ángela Martínez, ademais do bronce de Paula Juste. A galega participou tamén nas dúas remudas B da selección nas que acadou o 2º e 3º posto.
