A nadadora galega Paula Otero, do CN Arteixo, acudirá ao Campionato Europeo Absoluto en Piscina de 25 metros co equipo español. A Real Federación Española de Natación vén de publicar a convocatoria oficial do conxunto seleccionado para asistir á cita, na que tamén estará a adestradora galega Luisa Domínguez.
A Selección Española constará con un total de seis mozas e cinco mozos, equipo do que Paula Otero é unha das compoñentes máis novas. Asiste con deportistas de gran talla na natación española, coma Jesica Vall ou Lidón Muñoz.
O campionato celébrase en Kazán, Rusia, dende o 2 ata o 7 de novembro, e Otero participará en catro probas individuais, 200, 400, 800 e 1500 libre. A selección española participará tamén nas remudas de 4×50 libre e 4×50 estilos mixtas.
Consulta aquí a convocatoria completa.
