Esta fin de semana celébrase en Madrid o Campionato Absoluto e Junior de inverno da comunidade e nel poderán participar dúas galegas: Paula Otero e Carla Carrón.
Malia ter ficha en Galicia, as nadadoras do Club Natación Arteixo e do Club Natación Arzúa respectivamente poderán participar nesta proba ao formar parte do Equipo Nacional, xa que este campionato de natación non ten carácter open. O torneo, que celebrarase durante o sábado e o domingo, terá lugar no Complexo Deportivo M-86, nunha piscina de 50 metros.
Paula Otero, do CN Arteixo, participará nun total de catro probas repartidas nos dous días: 100, 200 e 400 metros libres e 200 bolboreta.
Pola súa parte, Carla Carrón, do CN Arzúa, tamén o fará en catro, coincidindo en tres coa outra galega: 100, 200 e 400 metros libres e 50 metros libres.
