Gijón acolleu na pasada fin de semana o Campionato Nacional sub14 por equipos, ao que a Selección Galega acudiu con dous clubs para as categorías femininas: o Atletismo Narón e o Atlética A Silva. No individual, destacaron Antía Otero e Noa Díaz, que volveron cunha prata e un bronce respectivamente.
As atletas do Narón subiron ao podio, quedando Otero segunda en peso con 10.60 m., e Noa Díaz, terceira nos 2.000 marcha con 10:04.32.
En canto á clasificación por clubs na categoría femenina, idéntico posto para o Atletismo Narón na novena posición da clasificación xeral e un tamén meritorio décimo quinto para a Atlética A Silva.
Ver esta publicación en Instagram
Na categoría masculina Nuno Castro foi o galego máis destacado xa que o atleta do Millaraio lograba o triunfo no concurso de lonxitude con 5.31 m. e a segunda posición no lanzamento de xavelina con 33.38 m. Nos 1.000 m. un dos favoritos, Alex Sierpes do Ourense Atletismo, lograba impoñerse cun formidable rexistro de 2:44.52.
Na táboa por clubs masculina importante posto para o Marineda Atlético que ocupaban a novena posición sendo décimo terceiros o Atletismo Millarraio e vixésimos o Ourense Atletismo.
