A nadadora Paula Otero segue a colleitar éxitos. Desta vez, resultou campioa de España júnior de 17 anos nos 400 metros, colgándose o bronce na mesma proba en categoría sénior. Carla Carrón acadou outro terceiro posto na categoría júnior de 16 anos, tamén nos 400 libres.
A deportista do CN Arteixo, Paula Otero, conseguiu cun tempo de 4:12.70 establece un novo Récord do Campionato Júnior, ademais de colgarse o xa mencionado ouro e o bronce.
Pola súa banda, a nadadora do CN Arzúa, foi quen de acadar unha marca de 4:19.22 nas eliminatorias, resultando máis adiante terceira na final júnior. Co seu tempo, foi oitava na final A absoluta.
Pola súa parte, tamén participou neste torneo Alicia Bouzas, do CN Galaico, quen foi novena nos 400 libre júnior de 16 anos.
Segundo informa a FEGAN, como representación masculina acudiron Brias Novo, terceiro en 100 braza júnior de 18 anos, e Pablo Cabana, noveno en 200 bolboreta júnior de 17 anos. Finalmente, Yoel Suárez foi oitavo en 100 braza júnior de 17 anos.
