O Campionato de Europa Júnior de natación deixa ao equipo española do 4×200 libre, coas galegas Paula Otero e Ana Cernadas, como cuartas clasificadas. Ademais, Otero tamén foi cuarta nos 800 metros libres.
Na proba do Equipo Nacional Júnior, as nadadoras do CN Arteixo e o CN Fluvial de Lugo quedaron ás portas do podio na proba de remudas 4×200, disputada na primeira xornada do torneo que tivo lugar en Roma.
Durante o transcurso desta primeira xornada, Paula Otero clasificouse para a final do 800 libre, proba na que tamén remataría na cuarta posición. A galega acadou unha marca de 8:35.85, quedando a só unha centésima do terceiro posto.
Pola súa banda, Ana Cernadas competiu na proba de 100 costas, acadando o posto 23, cun tempo de 1:04.69.
