O Dépor ABANCA non se rende. Diante du rival directo que na primeira volta dera a sorpresa vencendo en Abegondo, as galegas recuperaron sensacións, gol e sumaron un triunfo máis que as achega á salvación. No Vivero de Badajoz, o equipo deportivista venceu 0-3 ao CD Civitas Santa Teresa.
Arrancou o partido sen excesivas ocasións para ambos os dous equipos. A máis clara, a tiveron as deportivistas antes de que se cumplisen os 20 minutos de xogo. O cruce cheiraba a táboas, pero as galegas non son das que baixan os brazos e seguiron teimando por rascar puntos e goles na súa visita a terras extremeñas.
Dez minutos antes de poñer rumbo a vestiarios o traballo ofensivo das branquiazuis deu froitos en forma de gol que asinaría Athenea del Castillo no 35 (0-1). A xogada de gol contou cunha vaselina de Lady Andrade que meteu o balón para que a cántabra picase a pelota á saída de Aguirre. Con esa mínima vantaxe se chegou ao descanso no Vivero de Badajoz.
Descanso no Vivero de Badaxoz! #SantaTeresaDéporABANCA 0-1#TocaVolverseMollar ⚽️ #UnÚnicoLatido 💙 #razónDÉcorazón pic.twitter.com/IhYbrolJKk
— RC Deportivo (@RCDeportivo) February 7, 2021
Empezou forte o Dépor ABANCA a segunda metade e no primeiro minuto dese período Peke-gol volveu saborear a doce textura de marcar aproveitando un rexeitamento dun disparo previo de Athenea a pase de Iris. A redonda petou no corpo da gardamallas local, Aguirre, e o esférico caeu aos pés de Ainize Barea que non dubidou en mandar o balón ao fondo das mallas extremeñas.
Minuto 46, o Dépor gañaba 0-2 con goles de Athenea e Peke unha dupla ofensiva que lembra tempos pretéritos de éxitos e goles de As Nosas deportivistas.
No 55 Lady Andrade conseguía sentenciar co 0-3 un partido que para as branquiazuis supón tres puntos, pero sobre todo, osíxeno para remontar na táboa e fuxir dos postos de descenso.
Elas non se renden. Pódese. A salvación está a dous puntos. Tócase coa punta dos dedos. Sábeno. As Nosas deportivistas son teimudas e sábense capaces. O mesmo técnico, Manu Sánchez, o dicía esta semana “son poucas pero valentes e comprometidas”. Eso en coruño dise: sonche bravas e arroutadas.
Fiiiiiiiiiiinaaaaaaaaaal do #SantaTeresaDéporABANCA no Vello Vivero de Badaxoz, 0-3!#TocaVolverseMollar ⚽️ #UnÚnicoLatido 💙 #razónDÉcorazón pic.twitter.com/kTo6x0u99q
— RC Deportivo (@RCDeportivo) February 7, 2021
Partidos decisivos para o Dépor ABANCA nos vindeiros días
As coruñesas do Dépor ABANCA teñen ante si unhas semanas absolutamente decisivas para o seu futuro na elite estatal do fútbol feminino o vindeiro ano. Este trunfo fainas empezar con bo pé unha maratón que as levará o mércores a recibir na Cidade Deportiva de Abegondo ao Eibar. O duelo celebrarase ás 16:30 horas e, polo momento, non consta que sexa retransmitido por ningunha canle de televisión.
Tan só catro días despois, e tamén actuando como locais na Cidade Deportiva de Abegondo, o Dépor ABANCA recibirá por fin ao Real Betis en casa. Este duelo, programado para as 13:30 horas, será a porta pechada pero si se será retransmitido por Gol TV, polo que #ANosaForza, a hinchada branquiazul, poderá seguir as deportivistas, canda menos, desde a casa.
FICHA TÉCNICA
SANTA TERESA CD: Aguirre, Van Slambrouck, Rovirola (Mireya, min. 62), Nayadet, Estefa, Belén, Nerea Pérez, Neira, Mellado (Kenni, min. 56), Raquel Ayuso e Blanca
DÉPOR ABANCA: Esther Sullastres, Cris Martínez, Iris Arnaiz, Blanco, Noelia Villegas, Ainoa Campo (Eva Dios, min. 86), Alba Merino (María Figueroa, min. 86), Gaby, Lady Andrade (Kika, min. 82), Athenea del Castillo (Helena, min. 70) e Peke.
GOLES: 0-1 Athenea del Castillo (min. 35); 0-2 Peke (min. 46); 0-3 Lady Andrade (min. 55).
ÁRBITRA: Espinosa Ríos (c. andaluz). Amonestou ás deportivistas Athenea del Castillo (min. 44) e Iris Arnaiz (min. 89), así como ás locais Rovirola (min. 60), Nerea Pérez (min. 73).
INICIDENCIAS: partido de la 19ª jornada de Primera Iberdrola disputado en el Viejo Vivero de Badajoz a puerta cerrada.
