Un día antes da festividade de Reis o Dépor ABANCA recibe carbón e non regalos no seu enfrontamento coa UD Granadilla Egatesa Tenerife. As coruñesas caeron derrotadas por 4-1 nun partido no que comezaron con bo tono, pero co avanzar dos minutos o seu xogo volveu ás andadas. O fútbol das deportivistas desdebuxouse sobre o tepe artificial de La Palmera e a pantasma do perigo de descenso voltou.
Non empezou o 2021 con bo pé o equipo que adestra Manu Sánchez. O Dépor ABANCA caeu derrotado en San Isidro (Tenerife) e, no canto de sacar o pescozo da zona de perigo, agudiza os temores dun posible descenso ao final da tempada. O partido puido seguirse a través de LaLiga Sports TV.
No arranque do xogo as cousas non pintaban mal para o Dépor ABANCA. As branquiazuis contaron con varias ocasións de perigo. Entre delas un tiro que Peke mandaba ao longueiro. Tamén tiveron o gol cerca Alba Merino e Athenea del Castillo. Pero ningunha viu porta.
De aí en diante a UD Granadilla Egatesa Tenerife fíxose co control do partido. O primeiro tanto local chegaría no minuto 22 obra de Martín-Prieto finalizando un saque de banda que llegó al área pequeña.
María José anotaría o 2-0 rozando o minuto 30 de xogo cruzando a pelota ante a saída de Noe Bermúdez. Antes de chegar ao descanso as de Manu Sánchez xa tiñan un 3-0 en contra. No 44 encaixarían o terceiro que asinou Paola.
Non mudou o guión logo do descanso. O RC Deportivo ABANCA seguíu sendo incapaz de amosar a recuperación que agromara nos últimos partidos do 2020. E o Granadilla soubo tirar partido das eivas das galegas.
No minuto 52 anotaría Martín-Prieto o seu segundo tanto e o 4-0 cunha execución chea de maxia. Un remate de volea a media altura que entrou pola escuadra.
O tanto deportivista chegou a través dun penalti que executou Alba Merino cun potente chut que colocaba o 4-1 definitivo no marcador.
Derradeiro cuarto de hora do #UDGTenerifeDéporABANCA en San Isidro!#TocaVolverseMollar ⚽️ #UnÚnicoLatido 💙 #razónDÉcorazón pic.twitter.com/yzaVMCQAig
— RC Deportivo (@RCDeportivo) January 5, 2021
Ao Dépor ABANCA agárdalle unha final contra o Betis
A vindeira xornada o Dépor ABANCA terá o reto dun partido que case é unha final para as branquiazuis. Recibirán en A Coruña ao Real Betis. Se as herculinas son colistas, as béticas son as seguintes pola cola. Polo de agora (as andaluzas aínda non xogaron), empatadas con 7 puntos. Por diante teñen a Santa Teresa, Huelva e Logroño empatados a 10 puntos.
Se ben é certo que a saída do pozo dos postos de descenso está a unha victoria, tamén o é que o feito de que o equipo coruñés non dese unha boa imaxe non axuda a recuperar pensamentos positivos, pero é preciso tomar ese camiño para evitar apuros na parte final da competición.
O cruce co Real Betis Balompié celebrarase esta fin de semana en terras galegas (domingo 10/1/21 ás 12:00 horas). Antes, mañá, día de Reis, as béticas terán ante si un derbi andaluz co Sevilla. Se perden, chegará á Coruña dolidas e enrabietadas, e se gañan, cheas de moral, así que sexa como sexa, o Dépor terá que poñer toda a carne no asador e facerse forte en Abegondo para recuperar sensacións e obter un resultado positivo.
Hoxe, martes 5, regresa o equipo deportivista á Coruña coa ruta Tenerife – Madrid – A Coruña. As xogadoras están citadas por Manu Sánchez para ás 17:30 horas do vindeiro xoves 7 de xaneiro na Cidade Deportiva de Abegondo.
FICHA TÉCNICA
UDG TENERIFE: Aline Reis, María Estella, Pisco, Patri Gavira (Yerliane Moreno, min. 59), Jackie Simpson, Clare Pleuler (Raissa, min. 79), Natalia Ramos, Paola Hernández, Mari José (Kayla Adamek, min. 59), Allegra Poljak (Ana González, min. 72) e Martín-Prieto (Coco, min. 72).
DÉPOR ABANCA: Noe Bermúdez, Cris Martínez, Ainoa, Blanco, Villegas, Arbeláez, Iris Arnáiz, Alba (Michelle Romero, min. 66), Gaby, Peke (Lady Andrade, min. 76) e Athenea (Helena Torres, min. 82)
GOLES: 1-0 Martín-Prieto (min. 22); 2-0 Martín-Prieto (min. 29); 3-0 Cris -pp- (min. 44); 4-0 Mari Jose (min. 52); 4-1 Alba -p- (min. 62)
ÁRBITRA: Acevedo Dudley (c. catalán). Amonestó a Ainoa (min. 50), Arbeláez (min. 58); Pisco (min. 65)
INCIDENCIAS: Partido correspondente á 14ª jornada da Primera Iberdrola de fútbol disputado no campo Las Palmeras de San Isidro – Granadilla – Tenerife.
