O Dépor ABANCA colleita unha nova derrota a domicilio na súa visita á Real Sociedade. Caeron as galegas por 2-0 froito de dous erros defensivos, un no minuto final de primeira parte e outro, xustamente no último minuto da segunta. Así, os minutos 44 foron fatídicos desta volta para as deportivistas.
En seguida se viu que a idea de Manu Sánchez para tirar algo positivo da visita deportivista a Zubieta era unha fortaleza defensiva que servira ás coruñesas para non encaixar e tirar petróleo dalgunha ocasión illada. Mudouse o esquema e forneceuse o centro do campo branquiazul. Quedou Peke no banco e Athenea del Castillo foi unha illa na punta de ataque. Ainoa tivo ao seu carón á canteirana María Figueroa e nas bandas a Alba Merino e Eva Dios, mentres Gaby aportaba polo centro un árduo traballo de contención.
Na primeira metade non parecía mal plan o do equipo herculino. O marco de Sullastres seguía a sen ser batido e, aínda que dominaba a Real Sociedad, tampouco chegaba con claridade á meta deportivista.
Se cadra unha das mellores ocasións a tivo a ex deportivista Nuria Rábano nas súas botas cando un tiro seu coa esquerda rozaba o traveseiro.
A ocasión máis clara do Dépor ABANCA foi da goleadora do anterior encontro, Alba Merino. O seu tiro, a pase de Patri López, saiu pola esquerda da meta local
Na recta final da primeira parte a Real buscaba o gol con insistencia e forzou varios saques desde o curruncho. Chegaron a anotar pero a colexiada, Espinosa Ríos, anulaba o tanto de Franssi por falta á cancerbeira deportivista, Esther Sullastres.
No 44 a Real Sociedad anotaba por medio de Nerea Eizagirre que se quedaba soa ante a porteira deportivista (1-0). Un gol que supuxo un golpe para a moral das galegas, que, con todo, non baixaron os brazos na segunda metade.
O Dépor ABANCA muda de debuxo
Deulle unha volta Manu Sánchez ao equipo visto que tiña que ir a polo partido e deixar a un lado esa opción de férrea defensa e contragolpe que case lle funciona na primeira metade. No banco quedaron María Figueroa e a Athenea del Castillo. Entraron Michelle Romero e Peke e o debuxo retornou ao habitual 4-4-2 do Dépor ABANCA.
No se reduxo a intensidade defensiva no bando galego, pero non foi quen de acadar suficientes chegadas con perigo como para pór en apuros á Real Sociedad. As ocasións seguían a ser das locais que puñan en algún aprieto a Sullastres.
O intentaron as branquiazuis, pero non viron porta. Ao contrario, cando o partido case morría, no 89, unha imprecisión a saía do balón facilitou o segundo tanto da Real Sociedad que anotou Amaiur (2-0). Con ese resultado se chegaría ao final dun partido que deixa, unha xornada máis ao Dépor ABANCA como colista pero aínda vivo na loita pola salvación que está a poucos puntos de distancia
Mañá, luns 8 de marzo, as futbolistas que adestra Manu Sánchez están citadas en Abegondo para adestrar de cara ao partido do vindeiro sábado 13 de marzo na Cidade Deportiva de Abegondo. Alí recibirán as galegas ao Rayo Vallecano ás 12:00 horas.
FICHA TÉCNICA:
REAL SOCIEDAD: Quiñones, Lucía, Nuria Mendoza, Tejada, Nuria Rábano, Bárbara (Amaiur, min. 85), Maitane (Itxaso, min. 85), Gemma, Leire Baños (Cecilia Marcos, min. 59), Franssi (Nahikari, min. 59) e Nerea Eizagirre (Palacios, min. 78).
RC DEPORTIVO ABANCA: Sullastres, Cris, Iris Arnaiz, Stephannie Blanco, Patri López, Ainoa, María Figueroa (Michelle Romero, min. 46), Alba Merino, Gaby, Eva Dios e Athenea del Castillo (Peke, min. 46).
Goles: 1-0 Nerea Eizagirre (min. 44); 2-0 Amaiur (min. 89).
ÁRBITRA: Espinosa Ríos (c. madrileño). Non mostrou cartóns.
INCIDENCIAS: Partido da 21ª xornada de Primera Iberdrola disputado nas instalacións de Zubieta a porta pechada debido á pandemia de COVID-19.
