Foi unha xornada de contrastes para os equipos galegos presentes na Liga Femenina 2 (LF2).
O Maristas Coruña continúa liderando a competición despois de vencer 77-65 ao Siroko Gijón Basketball. Pola súa parte, o Mariscos Antón Cortegada tamén saiu vitorioso no duelo contra o Romakuruma U.E. Mataró, cun resultado de 70-64. Non correu a mesma sorte o C.B. Arxil, que sumou unha nova derrota diante do Robles Lleida por 77-68.
Ver esta publicación en Instagram
O Maristas Coruña continúa á cabeza
O Maristas Coruña continúa liderandoa táboa clasificatoria unha semana máis, despois da vitoria (77-65) ante o Siroko Gijón Basketball.
O equipo adestrado por Fernando Buendía mantense á cabeza da LF2 tras lograr unhanova vitoria ante Siroko Gijón Basketball en campo propio. Con este triunfo, o noveno do curso, o cadro herculino alcanza os 19 puntos, nunha tempada na que só sufrira unha derrota fronte a Aceites Abril Abda Sanfer (63-69) nos dez partidos disputados.
As xogadoras coruñesas consolídanse progresivamente como candidatas ao título ligueiro, aínda que non deben cometer erros, xa que se atopan empatadas a puntos (19) co Ibaizabal, un conxunto de alto nivel que ostenta unha racha de oito vitorias consecutivas.
O seu próximo encontro será ante o Ibaizabal o vindeiro sábado 13 de decembro, ás 18:30 h, en Galdakao.
Ver esta publicación en Instagram
FICHA TÉCNICA
PARCIAIS: 18-14, 16-21, 19-18, 12-12, 12-0
EQUIPO ARBITRAL: Irias Díaz Feijóo e Mateo Alvariño vázquez
INCIDENCIAS: Partido correspondente á décima xornadada LF2, disputado no Maristas Col. (A Coruña).
O Cortegada suma a sétima vitoria
O Mariscos Antón Cortegada consegue a súa sétima vitoria fronte ao Romakuruma U.E. Mataró, cun resultado de 70-64 e continúa no 4º posto da clasificación.
Tras a dura derrota sufrida na última xornada fronte ao C.B. Arxil no duelo galego, as xogadoras de Vilagarcía lograron recuperar a confianza e impuxéronse a un rival de elevado nivel nun encontro moi competido.
As xogadoras galegas, que se manteñen cuartas na táboa, están empatadas a puntos (17) co Mipelletymas B.F. León, ocupante do terceiro posto. Un panorama moi esperanzador para a AD Cortegada que invita a soñar con acadar o podio, sempre que o equipo sexa capaz de manter o seu nivel e os resultados acompañen.
O seu próximo partido será contra o Siroko Gijón Basketball o vindeiro sábado 13 de decembro, ás 18:00 h, en Xixón.
Ver esta publicación en Instagram
FICHA TÉCNICA
PARCIAIS: 21-14, 21-17, 13-21, 15-12
EQUIPO ARBITRAL: Adrián Álvarez Rodríguez e Víctor González Wisniowski
INCIDENCIAS: Partido correspondente á décima xornadada LF2, disputado no Pabellón Municipal Sara Gómez (Vilagarcía de Arousa).
Novo tropezo do Arxil na LF2
O C.B. Arxil volveu deixar escapar o triunfo na décima xornada cun resultado 77-68. Esta vez foi fronte ao Robles Lleida, un rival que, sobre o papel, semellaba accesible para o cadro galego.
Tras o triunfo fronte ao Maristas no partido anterior, parecía que o C.B. Arxil comezaba a recuperar as boas sensacións e a cambiar o rumbo dunha tempada complicada, pero a realidade foi outra. O cadro dirixido por Marina Janeiro volveu caer na décima xornada de liga. Enfrontábase ao Robles Lleida, un rival que atravesa unha situación similar, e a vitoria parecía estar ao alcance do equipo galego, pero, pese a tratarse dun encontro moi pelexado, as pontevedresas non foron capaces de acadar unha vitoria moi necesaria para afastarse dos postos de descenso.
O próximo encontro do CB Arxil será ante o Abril Abda Sanfer o vindeiro sábado 13 de decembro, ás 20:30 h, en Avilés.
FICHA TÉCNICA
PARCIAIS: 19-11, 14-19, 20-14, 24-24
EQUIPO ARBITRAL: Daniel Martín Ridruejo e Susana Pascual Tejedor
INCIDENCIAS: Partido correspondente á décima xornadada LF2, disputado no Pabellón Barris Nord (Lleida).
RESULTADOS DA XORNADA DA LF2. GRUPO B
- MARISTAS CORUÑA – SIROKO GIJÓN BASKETBALL 77-65
- TNG BASQUET A – ABRIL ABDA SANFER 59-67
- MARISCOS ANTÓN CORTEGADA – ROMAKURUMA U.E.MATARÓ 70-64
- TALENOM BOET MATARÓ – MIPELLETYMAS B.F. LEÓN 87-81
- HORBISA SPIRIT GREENKW BARAKAL – IBAIZABAL 52-64
- MANRESA CBF A – SMARTLOG OINTXE 78-58
- ROBLES LLEIDA – C.B. ARXIL 77-68
