O Durán Maquinaria Ensino e o BAXI Ferrol xa coñecen o calendario da LF Endesa para a vindeira tempada 2021/2022.
Os dous clubs galegos darán comezo ao novo curso na fin de semana do 25 de setembro xogando como locais. As lucenses o farán ante o Embutidos Pajariel Bembibre, mentres que as ferrolás ante o Campus Promete.
A primeira volta desta nova edición da LF Endesa rematará o 4 de xaneiro, do 2022, cos partidos SPAR Girona – Durán Maquinaria Ensino e Embutidos Pajariel Bembibre – BAXI Ferrol. Nesta data decidiranse os participantes para a Copa da Raíña que terá lugar en Valencia entre o 24 e o 27 de marzo.
A liga regular pecharase coa 30ª xornada, na fin de semana do 17 de abril. Despois, darán comezo os playoffs, entre o 21 de abril e o 12 de maio, co posible terceiro encontro da final.
