Este venres dan comezo os cuartos da Copa da Raíña de futsal co duelo galego. O Pescados Rubén Burela e o Ourense Envialia enfróntanse en Las Rozas co obxectivo en mente de pasar ás semifinais (30 de abril, 11:30 horas, Teledeporte).
“A Copa é un extra de motivación para todos”, recoñece a internacional burelista Ale de Paz. As Guerreiras Laranxas xogarán por defender o seu título de raíñas, obtido en Burela no 2019 e revalidado no 2020 en Málaga. Pola súa banda, as fubtolistas do Envialia viaxan a Madrid con baixas importantes como Marta Figueiredo ou Sara Moreno, recentemente operada con éxito.
Esta será a segunda vez en menos dunha semana na que burelistas e ourensás vense as caras. Hai seis días, a quinta xornada da segunda fase de Liga citounas en Burela, cunha goleada a favor das locais.
“Imos con moitas gañas; o partido do sábado deixou moi boas sensacións. Foi un test moi bo, pero non creo que vaiamos vivir algo similar no encontro do venres”, explica a 17 laranxa, Ale de Paz.
Ale de Paz: “O partido do sábado deixou moi boas sensacións”
A xogadora do Burela evita o cartel de favoritas, e sinala que o Ourense Envialia “virá moi concienciado de non repetir os mesmos erros”. Porén, admite que están entre as favoritas, pol oque “na nosa cabeza debe estar en competir desde o primeiro minuto; só así poderemos ter posibilidades de regresas cunha nova Copa”, apunta.
O campión deste duelo galego enfrontarase ao vencedor do Intersala Promesas vs Futsi Atlétivo Navalcarnero, o sábado ás 19:00 horas.
