En total, a pasada fin de semana celebráronse en Galicia cinco campionatos galegos de atletismo e dúas probas de control desenvoltas en Ourense, Pontevedra e Lugo.
Os dous días saldaron con grandes resultados deportivos para as atletas galegas en distintas modalidades deportivas, desde pentathlon e velocidade, ata lanzamentos longos e probas combinadas entre outros.
Récords e éxitos de atletismo dos torneos galegos
No relativo aos éxitos acadados polas atletas femininas, estes concentráronse nas xornadas do domingo, no Campionato de Galicia Sub18/Sub20 e Sub/23 e no Campionato de Galicia de Combinadas máster e Sub20 e Sub18.
Na proba de pentathlon a talentosa atleta lucense Lucía Sánchez del Valle lograba unha puntuación total de 3.768 que lle reportaban a plusmarca galega na categoría Sub18 pasando a ocupar o primeiro poisto no ranking nacional de atletismo.
No concurso de peso a lanzadora do Ría Ferrol, Xiana Lago lograba mandar a bola ata os 14.49 no seu segundo intento o que lle serviría para lograr título e o récord da categoría.
No sector de velocidade nova exhibición de Ainhoa Reparaz que non só foi a máis rápida nos 60 m. e nos 200 m., senón que ademáis as súas marcas de 7.75 e de 25.18 serviron a velocista do Val Miñor, para establecer dous novos récords galegos e situarse de segunda no ranking nacional no dobre hectómetro.
Lugo tamen acollía a primeira xornada da Copa Deputación de Lugo, onde detacou novamente a gran actuación de Xela Martínez que lograba parar o reloxo na proba dos 1.000 m. en nada menos que en 2:50.4 que representan un récord galego Sub16. Con este rexistro, sitúase como líder do ranking nacional.
Os resultados no sub16 e sub18 de lanzamentos longos
No Campionato de Galicia Sub16 e Sub18 de lanzamentos longos desenvolto en Pontevedra, o éxito tamén estivo repartido.
Para comezar na categoría Sub16 Lara Iglesias do Samertolameu enviaba a xavelina ata os 31.01 m.
Na Sub18 Marta Neira do AVA colocábase de primeira do ranking nacional ao lanzar ata os 57.98 en martelo. Pola súa parte, Blanca Pereira quedaría no terceiro posto con 54.69 m. Bos rexistros tamén para Laura Rico do Ría Ferrol en xavelina Sub18 con 32.38 m.
Así quedaron as atletas no máster, sub20 e sub18 de probas combinadas
No tocante ao Campionato de Galicia de Probas combinadas máster, Sub20 e Sub18, trunfos nesta última categoría de novo para Lucía Sánchez del Valle con 3.768 (novo récord galego de atletismo Sub18).
Na categoría Sub20 a atleta da Atletica Lucense María Bouza quedou con 2.751 puntos.
A única participante na categoría máster de atletismo nas combinadas sería a céltica Cris Estévez quen lograba unha puntuación total de 2.813 puntos na categoría W40.
