Os conxuntos galegos do Valdetires Ferrol FSF, Cidade de As Burgas quedan eliminados da Copa da Raíña na segunda rolda da competición. Pola contra, acceden á terceira os equipos do Ourense Envialia, Viaxes Amarelle FSF, Pescados Rubén Burela FS, ENCE Marín Futsal e Poio Pescamar.
O Ourense Envialia xa conseguira o seu pase hai unhas semanas vencendo a domicilio 2-6 ao Mecanoviga Eixample. O ENCE Marín futsal acadaba o seu pase superando ao Feme Castellón 3-5.
🏁FINAL DEL PARTIDO EN CASTELLÓN
⚽El Ence Marín Futsal consigue el pase a la siguiente fase de la Copa de La Reina al vencer al @bisontescastellonfsf por 3-5.
⚽Este jueves será el sorteo en el que conoceremos a nuestro próximo rival.
⚽Buen viaje de vuelta equipo!!! pic.twitter.com/aK1fdzHXz5— Marín Futsal (@marin_futsal) November 1, 2022
Mentres, o Poio Pescamar impoñíase con rotundidade ao IES Camoens cun 0-7, mesmo resultado do Pescados Rubén Burela FS ante a Penya Espluges. Os resultados obtidos polas conserveiras e as da Mariña non deixaban lugar á dúbida sobre quen mandou no 40×20 nesta rolda.
2ª Eliminatoria Copa de la Reina | @PenyaEsplugues – @burelafs
⏱️FINAL DEL PARTIDO!!@PenyaEsplugues 0 – 7 @burelafs
🏆 PASAMOS DE RONDA. COPA DE LA REINA 🏆
ENHORABUENA a nuestras #GuerreirasLaranxas por el gran resultado y al @PenyaEsplugues por darlo todo y con calidad! pic.twitter.com/efPEHULvGG
— CD Burela FS (@burelafs) November 1, 2022
As xogadoras do CD Pescados Rubén Burela FS controlaron o partido durante os 40 minutos de xogo. Sumando goles de forma paulatina e constante lograron impoñerse cun 0-5 no descanso nunha primeira parte dominada de forma clara polo equipo Laranxa.
Na segunda parte do encontro o equipo catalán saíu con forza intentando frear ao Pescados Rubén Burela FS durante os primeiros 12 minutos, pero no minuto 32 Cilene anotaba o seu segundo gol do partido, marcando de novo a superioridade do mellor equipo do mundo. Nos últimos minutos de xogo, co partido xa resolto, Dasha pon a guinda do pastel anotando o 0-7 co que acabará o encontro.
Traballado triunfo do Viaxes Amarelle FSF
Custoulle máis o pase á seguinte rolda da Copa da Raíña ao Viaxes Amarelle FSF que tivo que ir á prórroga para vencer 3-6 ao CD Chiloeches. O equipo herculino, dirixido polo técnico galego Jorge Basanta, desprazábase á localidade castelán manchega de Chiloeches para disputar o partido de dezaseisavos de final da Copa de S.M. A Raíña de Fútbol sala fronte ao conxunto local. Un equipo do grupo IV da Segunda División da RFEF Futsal Feminina.
As herculinas tiveron que sufrir moito para conseguir o pase a oitavos, nun partido no que estiveron sempre por detrás no marcador, e tívose que decidir na prórroga. O primeiro gol foi obra de Jessi no 18 de partido 1-0. Tivo a réplica un minuto despois nas botas de Carol Agulla 1-1. Volvía a adiantarse o conxunto local no minuto 21 por medio de Elisa. Un tanto de Carol Agulla volvería a empatar o coche 2-2 (32). E outra vez sen tempo para gozala, no 33, anotaban as locais do CD Chiloeches desta volta por medio de Desi (3-2.
Foi Carol Agulla quen forzou a prórroga cun gol a dous minutos do final. A xogadora do conxunto laranxa asinaba así un hat-trick. Anotou no primeiro minuto Élia Gullí (3-4), adiantando por vez primeira ás galegas no electrónico. Logo viñeron os goles de Lau Doce (3-5) e Tety que poñía no marcador o definitivo 3-6. Así, logo de sufrir no tempo regulamentario, no tempo extra de xogo o Viaxes Amarelle FSF non deu opcións ao seu rival e sentenciou o partido con seguridade.
Con todo, na segunda parte da prórroga, o conxunto local optaba polo xogo de cinco para tratar de volverse meter no partido e recurtar distancias coas galegas. Pero unha boa defensa do Viaxes Amarelle FSF impediu que o CD Chiloeches chegase con claridade abondo á meta defendida por Leti Rojo. Aínda co 3-6, as futbolistas locais seguiron a pelexar para achegarse no electrónico sen éxito.
FUTSAL | COPA DE LA REINA
🔴 El @CDChiloeches eliminado en los dieciseisavos de la Copa de la reina
⚽️ @CDChiloeches 3-6 @amarellefsf
➡️ El equipo castellanomanchego fue por delante en varios momentos del partido y ha caído en la prórroga
📽️ AQUÍ, el resumen 👇🏻 pic.twitter.com/2ujXM62s5a
— Deportes CMM (@DeportesCMM) November 1, 2022
No transcurso do partido Claudia Lobo daba un susto á expedición herculina ao ter que abandonar o partido ao inicio da prórroga. A xogadora foi atendida no hospital de Guadalajara. Clàudia Lobo recibía un golpe no fortuito no peito. Chamouse a unha ambulancia xa que a futbolista tiña dificultade para alentar. As probas médicas deron como diagnóstico unha contusión torácica, e a xogadora foi dada de alta, segundo informa o Viaxes Amarelle.
Eliminación de Valdetires e Cidade de As Burgas da Copa da Raíña
Quedaron fóra da competicio do KO dous conxuntos galegos, os dous representantes da Segunda División RFEF que seguían na competición. No caso do Valdetires Ferrol, as ferrolás perdían cun rival complicado, o Arriva AD Alcorcón por 1-4.
🏆 Esta mañana el @valdetiresfsf luchó hasta el final en la Copa de la Reina, cayendo por un engañoso 1-4 ante la AD Alcorcón, de la Primera División!
😉 Este equipo va a dar muchas alegrías!
💚 #VamosVerdes #JuntasSomosMásFuertes 💙 pic.twitter.com/uuS7e8DPLm
— O Parrulo Ferrol FS (@oparrulofs) November 1, 2022
Pola súa parte, o Cidade de As Burgas vendeu cara a súa pel ao forzar prórroga e penalties ante o La Boca Te Lía Futsal Alcantarilla nesta segunda rolda da Copa da Raíña. O partido entre ourensás e murcianas remataba 3-3 no tempo de xogo e finalizaba 2-3 a quenda de penalties.
A terceira eliminatoria vaise disputar o 6 de decembro. Aí quedarán definidos os equipos que xogarán a fase final da Copa da Raíña do 28 ao 30 de abril de 2023. O xoves terá lugar o sorteo desa seguinte rolda do torneo do KO.
Resultados da segunda rolda da Copa da Raíña de futsalfem:
- Penya Esplugues – Pescados Rubén Burela 0 – 7
- Feme Castellón – Marín Futsal 3 – 5
- Valdetires Ferrol – Arriva AD Alcorcón 1 – 4
- Cidade de As Burgas – LBTl Futsal Alcantarilla 3-3 (2-3) (penalties)
- CD Chiloeches – Viaxes Amarelle 3-6 (prórroga)
- IES Camoens – Poio Pescamar 0 – 7
- Mecanoviga Eixample – Ourense Envialia 2 – 6 (22 de octubre)
- El Ejido – Futsi At. Navalcarnero 2 – 13
- CN Caldes – Gran Canaria Teldeportivo 0 – 1
- CD Segosala – -STV Roldán 1 – 2
- Spring Cider Rodiles – CD Leganés 5 – 4
- Almagro – Sala Zaragoza 5 – 3
- Nueces de Ronda At. Torcal – Joventut D’Elx 4 – 2
- Salesianos Puertollano – Rayo Majadahonda 4 – 3
- Promesas EDF – Móstoles 1 – 7
- AD Intersala 10 Zaragoza – Melilla Sport Capital Torreblanca 1 – 4
