A Organización de Palangreros Guardés (ORPAGU) e o Club Balonmán Atlético Guardés continuarán o seu camiño xuntos unha tempada máis.
O presidente de ORPAGU, Joaquín Cadilla, asinou acompañado doutros representantes da organización a renovación do convenio co Guardés, representado no acto polo seu xerente, José Manuel Silva. Ademais, visitaron as instalacións de ORPAGU o plantel sénior do equipo de balonmán ao completo para agradecer á firma o seu apoio por cuarto ano consecutivo.
A relación entre a Organización de Palangreros Guardeses e o Atlético Guardés iniciouse no 2017, tras a conquista por parte do equipo de División de Honra do título de campioas de liga.
A imaxe de ORPAGU luciu nos equipamentos de todos os equipos do club no últimos tres anos e esta campaña xa se puido comprobar que a imaxe de ‘Orpagu Gourmet’, a liña de conservas de peixe espada, lucirá no frontal das camisetas acompañando a Electrónica Eutimio e a residencia de terceira idade Monte Tecla. Na parte traseira, Entrepot Naval. No pantalón estarán Santa Tecla e Mecalia.
Ademais de empresas privadas, as institucións tamén colocan a súa imaxe na elástica das guardesas. Así, o Concello da Guarda, a Deputación de Pontevedra e Xunta de Galicia, con Deporte Galego e ABANCA, figurarán na camiseta.
O plantel do Atlético Guardés quixo agradecer o apoio a ORPAGU a través da súa capitá África Sempere. É habitual ver ao persoal participando na Festa do Peixe Espada que cada verán se celebra na Guarda e que este mes de xullo tivo que adaptarse á situación actual.
Con este firme apoio, o Atlético Guardés mantén recursos para afrontar un temporada marcada pola incerteza a raíz da COVID-19 e na que o equipo sénior participa na Liga Guerreras Iberdrola 20-21, a XLII Copa de SM a Raíña e a EHF European Cup.
ORPAGU, un referente do palangre
A Organización de Palangreros Guardeses constituíuse en 1996 co fin de regular, desarrollar e fomentar a actividade de pesca de buques palangreiros, tanto frescos como conxeladous, e defender os intereses dos membros de ORPAGU, podendo adoptar as medidas necesarias para garantir o exercicio racional da pesca e mellorar as condicións de venda da produción dos seus membros. A día de hoxe, son unha organización moi activa e que continúa dando pasos na súa faceta comercializadora.
