- “O primordial é o traballo e a constancia que estamos a poñer todos”
- “Que un club que non aposta económicamente tanto polo fútbol feminino estea dando tan bos resultados depende de que as xogadoras están facendo un traballo excepcional”
Na Coruña hai un equipo de fútbol invencible. O Victoria CF, tamén coñecido como as cebras polas cores da súa camiseta, non coñece a derrota desde o pasado mes de febreiro. As herculinas, adestradas por Cris Oreiro, levan un total de quince partidos oficiais consecutivos sen perder, cun balance de once vitorias e catro empates.
Na tempada pasada, estiveron a piques de lograr o soñado ascenso de Primera Nacional a Reto Iberdrola, pero dous empates ante o Betis B inclinou a balanza do lado andaluz. Neste novo curso, as de Oreiro seguen sumando de tres en tres, pensando no partido a partido, pero conscientes da calidade do seu equipo.
Feminino A
15…..
🏆🦓🦓⚽⚽🦓🦓🏆 pic.twitter.com/KodhbIsjqN— Victoria Club Fútbol ⚽🦓 (@VictoriaCF1943) September 13, 2021
–As Nosas: Que fai falta para lograr chegar aos 15 partidos consecutivos sen perder?
Cris Oreiro: Eu diría que o primoridal é o traballo e a constancia que estamos a poñer todos, tanto xogadoras, como corpo técnico, como o club. E non vén de agora. É algo que se leva facendo ben no club desde hai anos. Cando veñen xogadoras do filial e suben desde as categorías base sempre veñen a sumar, e iso enriquece primeiro que os adestramentos sexan competitivos, e segundo que os resultados véxanse. Fai falta traballo e constancia de tanto tempo.
-As Nosas: Como se leva mentalmente manterse a este nivel, e cun verán polo medio, alongando o bo momento en dúas tempadas distintas?
Cris Oreiro: A verdade é que nós nin o pensabamos nin o falamos coas xogadoras, non sei se elas pola súa banda o falan. Nós, o adestradores, non o comentamos internamente con elas. Sabemos que o levamos e agora cando o club díxonos levades 15 partidos sen perder, desde febreiro, dixemos que pasada! Pero a nivel mental non nos afecta porque non o pensabamos, non é algo que dixeramos,”veña imos a por este récord”.
É algo que foi sucedendo e que foi moi difícil, porque como dis ti, non só porque son dúas tempadas diferentes, o cambio de xogadoras etcétera, senón porque dentro da mesma liga o ano pasado tivemos que gañar na segunda fase tres partidos seguidos que eran complicadísimos, gañar a liga, logo enfrontámonos no playoff ao Betis e tamén era moi difícil non perder ningún dos dous partidos. Máis que darlle importancia a esos 15 partidos sen perder é que partidos non perdimos, iso é o que parece unha locura e o importante.
Cris Oreiro: “Máis que darlle importancia a esos 15 partidos sen perder é que partidos non perdimos, iso é o que parece unha locura e o importante”
-As Nosas: Cales foron eses partidos clave?
Cris Oreiro: Dos 15 partidos que levamos sen perder, 11 son partidos gañados, que non é o mesmo gañar 11 e empatar catro, que gañar catro e empatar 11. É unha locura. Creo que o máis difícil foi o primeiro partido que gañamos, que foi un 1-5 contra o Victoria FC de Santiago. Viñamos de perder contra o Interrías e esa foi a última vez que perdimos. A partir de aí, o seguinte partido foi gañar en Santiago 1-5, porque perderamos na primeira volta, ese creo que foi clave.
E logo os tres que nos deron a liga, gañar a Oviedo, Racing e Gijón seguidos e facer 9/9. Sabiamos que tiñamos que facer 9/9 para gañar a liga e fixémolo e foi terrible, creo que eses catro foron os máis difíciles. Os que máis doeron foron os de Betis, porque quedas coa sensación de que non che gañou, que podias gañar e que o empate te mantivo na mesma competición.
-AN: O feito de non ter ascendido pode compensarse un pouco ao ver que o equipo segue forte?
C.O.: A ver, foi un pau bastante duro non ascender, unha vez estás aí foi difícil de asimilar. Aínda que non o compensa, volves ter a batería chea de enerxía porque segues a ter un equipo competitivo e ves que o modelo de xogo e o traballo das xogadoras segue dando os seus froitos. Entón, si.
-AN: Imaxino que para a presente tempada teredes os mesmos obxectivos
C.O.: Bueno, a liga é bastante difícil. Xa tivo nivel o ano pasado e co tema do COVID fíxose moito máis competitiva, por iso de terte que meter nos grupos. Este ano, como se quedaron os equipos con máis puntos e porcentaxes do ano pasado, ao final a liga é bastante complexa. Respecto aos obxectivos, obviamente queremos meternos entre eses tres primeiros ou dous primeiros, igual que o ano pasado, pero imos ir pouco a pouco porque a liga é longa.
Cris Oreiro: “Obviamente queremos meternos entre eses tres primeiros ou dous primeiros, igual que o ano pasado, pero imos ir pouco a pouco porque a liga é longa”
-AN: Non quero botar o meigallo, pero cal cres que pode ser o rival que rompa este bo momento que estades a vivir?
C.O.: Non o sei. Creo que o día que se perda vai ser poque nós teñamos un partido malo, non esteamos concentradas ou non demos o noso mellor nivel. Calquer equipo da liga pódete sacar puntos, pero creo que vai depender moito de nós.
-AN: Que mensaxe lle enviarías ás túas cebras?
C.O.: Quero darlle valor ao que están a facer as cebras porque é algo inusual e moi difícil de conseguir e creo que é importante que se lles recoñeza o traballo. Ao final compiten ao lado do Dépor, o Dépor está a cen metros como quen din. A priori estamos sendo o mellor equipo galego, porque o Friol descendeu o ano pasado e Dépor tamén.
Cris Oreiro: “A priori estamos sendo o mellor equipo galego, porque o Friol descendeu o ano pasado e Dépor tamén”
Ao final, nunha comunidade como Galicia onde o fútbol feminino depende do Dépor porque economicamente é moi superior, o Interrías e o Friol están apostando moito económicamente, que un club que non aposta económicamente tanto polo fútbol feminino estea dando tan bos resultados depende de que as xogadoras están facendo un traballo excepcional e quería darlles ese recoñecemento.