A Liga Nacional de Dúatlon 2021 chega a súa fin e con ela o Olímpico de Vedra despide a tempada na quinta posición. Despois de sete xornadas, o club consigue o obxectivo da permanencia con creces, rozando o ascenso á Primera División.
A última proba tivo lugar en Valladolid, na pasada fin de semana. Nela o Olímpico de Vedra xa competía coa salvación asegurada e coa nova meta de acadar cotas maiores.
Fin de tempada con éxito para as vedrenses
Na xornada do sábado disputábase a sexta xornada do Campionato de España de dúatlon por clubs consistente nun dúatlon distancia sprint (5 km correndo, 20 de ciclismo e 2,5 novamente de carreira) onde cada equipo estaba integrado por 10 compoñentes que iban outorgando puntos en función do posto de entrada en meta.
O equipo feminino integrado por Joana Oliveira, Gabriela Quintás, Patri Viadel, Mariam Ferrán, Elena Míguens, Andrea Espiño, Andrea Iglesias, Antía Rodríguez, Tania Garabatos e María Bedel, obtiña un fantástico quinto posto na segunda división, que as mantiña con todas as opcións para a xornada final.
Na xornada do domingo disputábase o Campionato de España de dúatlon de remudas mixtas. Unha proba na que compiten por remudas 4 deportistas (2 mulleres e 2 homes) nos que cada un deles debe completar un dúatlon distancia supersprint (2 km correndo, 5 de ciclismo e 1 novamente correndo).
A competición puntúa tanto para a categoría masculina como feminina e compiten de xeito conxunto primera e segunda división, optando ao campionato de España da modalidade, e desglosando ademais os campionatos para as dúas divisións e os dous sexos da liga.
O Olímpico de Vedra presentaba na liña de saída un xovencísimo equipo integrado por Joana Oliveira, César Otero, Gabi Quintás e Víctor Bouzón, os 3 últimos chegados ao equipo absoluto desde a escola do club. Pese a súa xuventude protagonizaron unha sobervia actuación logrando o 11º posto da xeral, sendo na segunda división o equipo masculino 2º e o feminino 4º.
Con ese resultado o equipo feminino remataba na 5ª posición empatado a puntos con Triatlón Oviedo, que é o equipo que ocupa a cuarta praza que da acceso a división de honra do dúatlon español. Só un posto na xornada final separou a escadra vedrense do ascenso, pero a actuación foi en calquera xeito descomunal para un equipo con moitísimo futuro.
A vindeira tempada no Olímpico de Vedra
A tempada 2022 será a sétima do Olímpico de Vedra tanto en categoría masculina como feminina dentro das máximas categorías do dúatlon español, cousa que soamente poden decir 3 clubes galegos: Arcade Infohouse Santiago, Cidade de Lugo Fluvial e Club Olímpico de Vedra.
Agora, dará comezo a liga nacional de tríatlon, onde tamén estarán presentes na segunda división as dúas escadras vedrenses e o obxectivo segue sen ser outro que o de lograr a permanencia.
