A campioa olímpica en salto de altura Ruth Beitia, estivo na cidade de Ourense realizando unha visita polas escolas de atletismo da cidade e as súas contornas, segundo informa a Federación Galega de Atletismo.
A visita enmárcouse dentro das accións de promoción que a Deputación de Ourense está levando a cabo conxuntamente ca Real Federación Española de Atletismo con motivo da celebración esta fin de semana, do Campionato de España Absoluto de Atletismo PC.
A visita de Ruth Beitia prodúcese logo da viaxe, fai unha semana, do tamén medallista olímpico Manolo Martínez quen estivo visitando as escolas de atletismo de O Barco de Valdeorras
Ruth Beitia tivo tempo primeiramente de estar no Complexo Deportivo de Monterrei cas Escolas Atléticas de Pereiro de Aguiar Ben Cho Shey para continuar a súa visita polas pistas do Campus de Ourense e compartir momentos cas atletas do Club Deportivo La Purísima. De seguido remataba a súa estancia no Módulo Atletismo do Pavillón dos Remedios cos adestradores e atletas do Club Ourense Atletismo.
Palmarés de Ruth Beitia
Nacida en Santander no ano 1979, Beitia acumula un importantísimo palmarés no que destaca o título de campioa olímpica en Río-2016 e medalla de bronce nos Xogos de Londres-2012. A maiores conta con nada menos que cinco medallas en Campionatos do Mundo, e nove medallas en campionatos de Europa todo o cal, a converten na atleta española máis importante da historia do noso deporte.
