A localidade madrileña de Getafe foi escenario de éxitos da marcha galega de promoción e máster durante a disputa do Campionato de España en Ruta de inverno.
O máis salientable foron as catro medallas logradas polos nosos marchadores e marchadoras entre as que destacan as colleitadas na proba dos 5 km. Sub16 onde a xoven promesa da Atlética Lucense Olekksandra Kostenko. A deportista proclamábase campioa de España logo de marcar un rexistro de 14:00. Nesa mesma proba o bronce foi para Aldara Meilán a doce segundos da súa compañeira de club.
Ver esta publicación en Instagram
Na categoría Sub 20 o terceiro metal para as galegas foi o protagonizado por Alba Pérez do Atletismo Negreira quen lograba o bronce cun rexistro de 24:33. Salomé Segade do Millaraio na categoría Sub18 e Rita Vázquez do Ourense Atletismo na Sub20 remataban en postos de finalistas.
Nas categorías máster novamente un Juan Morales del Castillo do Marineda lograba o primeiro lugar na categoría M40 onde parece no ter rival a nivel nacional e moi poucos a nivel internacional. Manuel Polo do Narón na M45, así como Emilia Rodríguez na F45 conseguían as medallas de prata nas súas respectivas categorías nesta campionato nacional de inverno.
Foi tamén destacable o campionato de Pablo Sánchez quen lograba a cuarta posición na categoría masculina dos 5km marcha Sub-16.
